Díli, 5 Dezembru 2025 – Alunu Kursu Estadu Maior Konjunta Integradu (CEMCI) ba Dala 4, iha loron sesta-feira, hetan avaliasaun kona-ba matéria Operasaun Konjuntina no Kombinada. Avaliasaun refere hala’o iha auditoriu Institutu Defeza Nasional (IDN), Palásiu Governu Díli, no hanorin husi Dosente Tenente Koronel Jorge Magalhães durante fulan ida.
Avaliasaun ida ne’e iha objetivu atu aumenta kapasidade alunu iha planifikasaun no hala’o operasaun iha nivel Estadu Maior, hodi fó suporta ba komandu operasaun F-FDTL no forsa seguransa. Tanba ne’e, alunu sira presiza komprende di’ak kona-ba konseitu, prinsipiu no doktrina Operasaun Konjuntina no Operasaun Kombinada .
Objetivu no Benefísu Akademiku liu husi Avaliasaun ne’e, fó oportunidade ba alunu sira atu ,halo análize profundu kona-ba doktrina, strukturasaun komandu, fase operasaun no prosesu Planeamentu Konjuntu. Hetan koñesimentu ho padraun internasionál ne’ebé uzadu husi F-FDTL no forsa parseiru Seguransa. Aprende metodolójia planu operasionál.
Liu hosi avaliasaun husi materia ne’e, alunu sira aumenta kapasidade atu servisu iha nivel Estadu Maior, espesifikamente iha Vantajen Kompeténsia Profisionál area Operasaun, Intelijénsia, Planu, Treinamentu.
Iha tempu hanesan, alunu sira hetan abilidade atu koordena operasaun inter-servisu iha situasaun real hanesan, Operasaun Marítima, Operasaun Aero, Operasaun Terestri, Operasaun Integradu iha tempu krize, Kursu ida ne’e mós ajuda atu muda mentalidade husi servisu separadu ba mentalidade integradu no konjuntu.
Benefisiu seluk aumenta Vantajen Lideransa no Karrera iha prontidaun alunu atu okupa pozisaun lideransa estratéjiku iha F-FDTL. Aumenta konfiansa iha tomada desizaun durante misaun. Fó vantajem iha promosaun, tanba kualifikasaun alunu CEMCI sira sai requisito ba pozisaun importante iha estrutura komandu
Kursu no avaliasaun ne’e fo oportunidade ba alunu iha Vantajen Relasaun Institusionál, liu liu Halo rede profisionál ho instrutor, komandu boot no kolega tri-servisu. Reforsa kooperasaun inter-servisu no inter-instituisaun. Hadi’a espiritu solidariedade no integrasaun iha institutu seguransa no defeza.
Tuir orariu husi diresaun Ensinu Formasaun IDN, avaliasaun loron ohin maka remata ba matéria Operasaun Konjuntina no Kombinada, no klase sira sei kontinua ba matéria foun iha loron tuir mai. #MédiaIDN
