Díli, 1 Setembru 2025 – Alunu Kursu Estadu Maior Konjunta Integradu ba dala 4, iha Segunda-feira ne’e, partisipa iha Matéria Operasionál Navais, ne’ebé hanorin husi dosente Kapitaun Fragata Julião Pinto da Silva, iha auditóriu IDN, Palásiu Governu, Díli.
Iha lesaun dahuluk, alunu sira aprende kona-ba espasu marítima Timor-Leste nian no mós meiu atu kontrola tasi. Espasu ne’e importante tebes tanba Timor-Leste depende boot ba estratejia global hodi halo importasaun no esportasaun, ba ai-han no rekursu energétiku sira seluk. Liu husi espasu maritima ne’ebé hanesa xafi prinsipal ba movimentu ekonomia.
Matéria ne’e parte fundaméntal husi kuríkulu iha Institutu Defeza Nasionál (IDN), ho objetivu atu fortalese kapasidade lideransa, komandu, no planeamentu operasionál ba ofisiais F-FDTL no PNTL sira iha nivel Kursu estadu maior.
Objetivu jeral husi matéria ne’e mak atu karakteriza importansia jeo-estratéjika espasu marítima Timor-Leste nian, hodi haree dezafiu no oportunidade sira iha área ne’e.
Objetivu espesífiku inklui, Kompriende kuadru legal espasu marítima Timor-Leste nian. Identifika rekursu ekonómiku estratéjiku sira. Analiza aspétu seguransa marítima.
Kontéudu Matéria ne’e fó enfáze ba konseitu estratéjiku no operasionál naval, hanesan Funsionamentu no relevánsia estratéjika husi poder naval iha kontextu deféza nasionál no seguransa rázonál. Estrutura no funsionamentu komandu naval iha nivel tátiku no operasionál. Tipu operasaun navais hanesan, patrulamentu marítima, kontrolu área, eskortasaun, intersepsaun no interdisaun marítima. Interoperabilidade ho forsa terrestres no aéreas.
Relevánsia alunu sira Partisipasaun iha matéria bele,aumenta komprensaun alunu sira kona-ba kontribuisaun poder naval ba deféza nasionál. Halo preparasaun ba dezenvolvimentu doktrina operasionál konjunta.Reforça koordenasaun entre komponente F-FDTL sira (terrestre, naval, aérea). Fó base forte ba lideransa estratéjiku iha kontextu konjunta.
Tuir oráriu husi Diresaun Ensinu no Formasaun IDN, Matéria Operasionál Navais sei hala’o durante semana ida, husi loron 1 to’o 5 fulan Setembru, tinan 2025. #MediaIDN
|
|
