Díli, 14 Maiu 2025 – Alunus ba dala haat (IV) husi Kursu Estadu Maior Konjunta Integradu ,kontinua prosesu aprendizagem iha área Jestaun Administrasaun Rekursu, ne’ebé hetan hanorin husi Tenente Coronel Bruno Mendes, iha auditoriu IDN, Palásiu Governu, Díli.
Matéria ne’e hetan hanorin iha semana datolu fulan Maiu, ho foku prinsipal kona-ba formasaun no treinamentu iha kuadru FALINTIL–Forsa Defeza Timor-Leste (F-FDTL), inklui diskusaun ba problema sira ne’ebé rezolve ona, no solusaun sira possivel iha Sentru Formasaun Komandante Nicolau Lobato.
Tenente Coronel Bruno Mendes partilha konténudu importante kona-ba Jestaun Administrasaun Rekursu, ne’ebé fó enfáze ba aspektu sira hanesan:
• Formasaun Akadémiku
• Formasaun Profisionál
• Formasaun Sívika/Moral
• Treinamentu Kontinua
• Formasaun Inisiál no Kontinua
Formasaun sira ne’e importante tebes iha dezenvolvimentu kapasidade profesionais no lideransa ba kuadru F-FDTL iha fatin. Aula sira halo parte husi esforsu kontinua atu aumenta prontidaun no kompeténsia ba defesa nasaun. #MédiaIDN
|
|
