Díli, 30 Outubru 2025 — Alunu husi kursu Estadu-Maior Konjunta Integradu ba dala 4, kinta feira ne’e, kontinua hala’o aprezentasaun no pratika kona-ba planeamentu iha operasaun ofensiva bazeia ba Teoria semana kotuk alunu sira aprende iha auditoriu IDN, Palásiu Governu Díli,ne’ebé hanorin husi dosente Tenente Koronel Luís Conceição.
Aprezentasaun ne’e hala’o ho objetivu atu hatene no demonstra prosesu, funsaun no koordinasaun Estadu-Maior husi konseitu to’o fase pratika. fó enfasi ba prosesu sistemátiku nian atu prepara no implementa operasaun ofensiva .
Ne’ebé ho konteudu hakmatek mak atu ataka, kapura ka destrui forsa inimigu no okupa ka kontrola teritóriu. Alunu sira aprende teori¬a iha semana kotuk no simu oportunidade atu aplika iha mapamentu no simulasaun pratika.
Metodu aprezentasaun mak hatudu prosesu, funsaun no koordinasaun Estadu-Maior bainhira halo planeamentu operasaun ofensiva, husi nivel konseitu to’o fase pratika. Prosesu planeamentu inklui análize misaun , análize situasaun, desenvolvimento Kursu Asaun (COA), koordena mapamentu pratika, seleksaun no aprova planu, no preparasaun pratikaiha treinu.
Tanba Estrutura no Funsaun Estadu-Maior, Estudu pratika fó klaridade ba parte-parte prinsipál sira iha Estadu-Maior, ho termus sira S-1 Pessoal, preparasaun forsa humana, efetivu, moral no administrasaun. S-2 Intelijénsia, kolekta no analisa informasaun konaba inimigu, terreno no fator operasional. S-3 Operasaun, elabora planu ofensiva no koordinasaun movimentu forsa sira. S-4 Logístika, garante apoiu logístiku munisoens , ransu, transporte no manutensaun. S-5 Planeamentu no Politika Militar, liga planeamentu estrategiku ho konsiderasaun polítika no tempu naruk.
Hakat ba faze Planeamentu Ofensiva prinsipál ne’ebé fó klaridade ba alunus sira, Análize misaun , hodi identifika ordem superior, objetivu, limitasaun no prioridade. Análize Situasaun hodi avalia forsa inimigu, kondisaun terreno, tempu no ambiente operasional. Desenvolvimentu Kursu Asaun iha elaborasaun opsaun alternativa ne’ebé bele atingji objetivu.
Koordenasaun no Mapamentu Fase Pratika, hare ba diskusaun mapa ho esposisaun hodi vizualiza movimentu forsa no linia apoio. Seleksaun no Aprovasaun Planu, komandu analisa no aprova planu ne’ebé consideradu diak liu. Preparasaun Pratika, iha Pratika treinu no simulasaun bazeia ba planu aprova hodi prepara forsa sira atu implementa.
Kontinua ba Mapamentu iha Faze Pratika, alunu sira halo espozisaun ne’ebé hatudu elementu prinsipál hanesan direksaun ofensiva, ponto partida, objetivu final, linha apoio logístika, posisaun inimigu no forsa amigu. Mapamentu ajuda vizualizasaun klaru ba movimentu forsa sira no fasilita koordinasaun entre unidade sira, reduzindo risku no aumenta probabilidade suksesu.
Konkluzaun Planeamentu Estadu-Maior ba operasaun ofensiva mak prosesu sistemátiku ne’ebé presiza kooperasaun, koordinasaun ne’ebé forte no lideransa klaru. Husi aprezentasaun no pratika mapamentu, alunu sira simu kapasidade hodi transpõe teoria ba situasaun real iha kampu, aumenta preparasaun no asiguransa ba suksesu operasaun. #MédiaIDN
|
|
