Díli- Instituto Defeza Nasional (IDN) iha loron 2 dezembru Tinan 2024, sei realiza kursu dahuluk Kapitaun portu, ne’ebe sei hetan partisipantes sira mai husi FALINTIL Forsa Defeza Timor Leste (F-FDTL). Ho durasaun kursu fulan 5.
Ba preparasaun realiza kursu ne’e, Diretór Interinu Instituto Defeza Nasional Dr Guilherme Soares, Akompaña husi Diretóra Servisu Akadémia Dra Eunice Noronha, iha loron 14 fulan Novembru tinan 2024. Hala’o enkontru ho Asesor juridiku husi Ministériu Defeza Dr. Antonio Alves ho Dr José Velho Gouveia, hodi hala’o kordenasaun ba faze implementasaun.
Diretór Interinu IDN Dr Guilherme Soares informa, enkontru ne’e koalia mós sobre ajusta unidade kurikular, ho dosente tenke 50% mai husi Nasional, no dosente 50% mai husi estranjeru inklui ba prosesu administrativu.
Liu husi enkontru ne’e, IDN simu mós orientasaun ba primeiru Kursu kapitaun portu, sei konserta ba partisipantes sira mai husi FALINTIL Forsa Defeza Timor Leste (F-FDTL), no lista naran ba participantes sira mai husi FALINTIL Forsa Defeza Timor Leste (F-FDTL). ne’ebe organiza ba aktividade marítima nian.
Kursu ne’e ho nia objetivu jerál atu Kontribui ba formasaun Timor-Leste nian, atu ezerse autoridade Estadu nian iha tasi, no Kontribui atu fornese koñesimentu, regra no prátika ba kapitaun portu sira iha Timor-Leste iha futuru ne’ebé fó dalan ba sira atu hala’o sira-nia knaar.
Kontribui mós ba preparasaun pesoál sira seluk ne’ebé konsidera nesesáriu atu tuir kursu ida-ne’e, hanesan ho asistente kapitaun portu no na’in sira seluk ne’ebé iha pozisaun lideransa iha estrutura AMN.
Kursu ne’e nia Objetivu espesífiku sira, Identifika asuntu sira ne’ebé tenke sai parte iha planu formasaun ba pesoál sira ne’ebé fornese servisu iha ámbitu AMN nian, liuliu iha pozisaun kapitaun portu . Define kondisaun sira ne’ebé formasaun ne’e tenke hala’o, Estabelese serbisu todan ba área temátika ida-idak, Identifika pesoál hanorin ne’ebé kualifikadu no ho esperiénsia iha área oin-oin iha kursu. #MediaIDN
|
|
