Metinaro, 10 Outubru 2024– Diretor interinu Instituto Defesa Nasionál (IDN), Guilherme Soares, partisipa iha seremónia juramentu bandeira no promosaun ba membro F-FDTL ne’ebé hala’o iha Centro de Instrução Comandante Nicolau Lobato (CICNL), iha Metinaro. Seremónia solene ne’e selebra kompromisu no promosaun CEFO, CFS no CPCb, ne’ebé reforsa importância dezenvolvimentu no kapasitasaun Forças Armadas Timor-Leste nian.
Seremónia ne’e mos halo parte ho partisipasaun entidade militár no sivil, inklui mos partisipasaun forsa iha parada, ne’ebé integra estandarte nasionál no presta homenagem ho minutu silêncio. Iha tempu ne’ebá, halo atividades barak, inklui leitura dever militár sira no imposição boina, ne’ebé simboliza etapa foun iha carreira militár sira ne’ebé promove.
Seremónia ne’e remata ho entrega prémio ba militár sira ne’ebé mak destaca iha sira-nia funsão, no desfila forsa parada, ne’ebé simboliza unidade no obrigasaun patriótiku hodi defende soberania Timor-Leste.
Seremónia conta ho partisipasaun husi General Taur Matan Ruak , CEMGFA, Tenente-General Falur Rate Laek e espoza, Vice-CEMGFA, Major-General Coli-Ati e espoza, CEM, Brigadeiro-General Trix, Major-General Sabika, Comodoro Neves, Comandante Componente sira, Comandante unidade no seksaun sira , Adido da defesa sira, cooperacao dominio da defesa sira husi Australia, Portugal no Japaun , assessores militares, Diretor Geral Administrasaun e financas MD nian, Diretor Interino IDN, representantante PNTL, Comandante CICNL Tenente-Coronel Tofa e Espoza, Estrutura CICNL, autoridade local sira, religioso e religiosa sira no familia husi cadete no ofisias sira mak ohin hetan promosaun e muitos parabens e felicidades ba graduados, ofisiais no sira nia familia sira hotu, Patria, Gloria e Honra.#MediaIDN
|
|
