Díli, 22 Maiu 2025 – Instituto Defeza Nasionál (IDN) halo serimónia despedida ba dosente Projetu 2, Tenente Koronel Bruno Mendes, ne’ebé hala’o ona servisu hanorin iha IDN durante semana ida.
Serimónia ne’e, realiza iha auditoria IDN, Palásiu Governu, Díli.
Iha serimónia ne’e, Diretór Interinu IDN, Kapitão Fragata Duarte Borges Loe, Ph.D. hato’o agradesimentu boot ba Tenente Koronel Bruno Mendes, tanba kontribuisaun importante ne’ebé nia fó, liu-liu iha hanorin matéria Jestaun Administrativa no Rekursu ba alunus Kursu Estadu Maior Konjunta Integradu dala 4.
Tenente Koronel Bruno Mendes mós, hato’o nia sentimentu kontente no orgulho tanba konfiansa ne’ebé IDN fó ba nia, atu hanorin no partilha koñesimentu ho alunus iha área projétu 2.
Serimónia ne’e remata ho entrega sertifikadu apresiasaun no prendas husi IDN ba Tenente Koronel Bruno Mendes, no foto hamutuk hanesan rekordasaun momentu importante ida iha IDN .#MédiaIDN
|
|
