Díli-Xefe Estadu Maior Jenerál FALINTIL-Forsa Defeza Timor Leste ( F-FDTL) Tenente Jenerál Domingos Raul”Falur Rate Laek”, nomea tan Majór na’in 6, hodi partisipa 3º Cursu Estadu Maior Konjunta Integrado (CEMCI) iha Instituto Defeza Nasionál (IDN) hodi subtitui lista partisipante primeiru nomeiadu husi F-FDTL, maibe ho razaun kondisaun saúde la permite, hodi kontinua formasaun ne’e, hafoin sira tuir teste medica iha Hospital Nasionál Guido Valadares (HNGV) .
Nune’e iha loron 17 Fulan Maiu, Tinan 2024, Diretór Interinu Institutu Defeza Nasionál Dr. Guilherme Soares, hato’o bemvindu ba participantes oficial husi F-FDTL na’in 6 ne’ebe aprezenta an iha Institutu Defeza Nasionál hodi partisipa kursu edisaun 3º CEMCI, durante período fulan 9. Maske kursu 3° CEMCI lao fulan ida ona, Ohin sira foin mai entaun IDN sei introdús ba partisipantes nain 6 nee plataforma eletronika sira, fasilita sira asesu fila fali unidade kurikulár ne’ebé maka sira la hetan.
“Lori IDN nia naran, agredese mós ba Xefe Estadu Maior Jenerál FALINTIL – Forsa Defeza Timor Leste ( F-FDTL) Tenente Jenerál Domingos Raul “Falur Rate Laek”, ne’ebé nomea no aprova tan ona Majór na’in 6 hodi subtitui partisipantes husi F-FDTL iha primeiru nomea, maibe sira nia saúde la permite iha rejultadu teste medica foin lalais nee,” informa Diretór Interinu IDN Dr. Gulherme Soares ba Media IDN iha auditoria IDN Palacio Governu Díli iha foin lalais.
Diretór Interinu IDN ne’e hatutan, tuir lista primeiru partisipantes 3° CEMCI hamutuk na’in 14, mai husi Oficial PNTL nain 7 ho postu Superintendente Assistente nain 7, no Maijor no Capitão Tenente no Capitão Fragata husi FALINTIL Forsa Defeza Nasional hamutuk na’in 7, hodi hahu
formasaun língua portuguesa iha IDN durante fulan 3. Hahu loron 3 Abril 2024 to’o loron 3 juñu2024, iha Auditoria IDN Palacio do Governu.#MediaIDN
Visualizações de posts: 123