Dili – Institutu Defeza Nasionál (IDN) iha loron 24 fulan-setembru 2024, despede profesór Majór Luís Conceição, ne’ebé durante fulan ida, lori modulo formasaun hanesan doutrina tátika operasaun terestre, prosesu foti desizaun militár, operasaun planeamentu kombate, ba partisipante sira iha Kursu Estadu-Maior Konjuntu Integradu ba dala 3, ne’ebé nia kursu atuál iha IDN.
Diretór interinu IDN nian Dr. Guilherme Soares haktuir katak, Major Luís Conceição, nu’udar profesór iha Institutu Universidade Militár Portugés, durante períodu ne’e, lori materiál espesífiku ne’ebé importante tebes ba partisipante sira Kursu Estadu Maiór Konjuntu Integradu ba dala 3 ba ofisiál PNTL no F-FDTL.
Tanba ne’e, maski ohin Major Luís Conceição nia misaun remata ona iha IDN, nune’e bele fila ba nia Portugal ho misaun comprida, IDN hein nafatin katak matéria espesífiku ne’ebé profesór sira hanorin bele hasa’e partisipante sira-nia konhesimentu diak liu tan iha operasaun conjunta e combinada.
Tanba ne’e, kontinua iha semana oin mai, sei iha profesór foun, ne’ebé mai nafatin husi Institutu Universidade Militár Portugal, sei kontinua lori matéria sira iha área Kursu Estadu-Maiór Konjuntu Integradu, kona-ba planeamentu operasaun de combate militár no polísial (Ofensiva/Defensiva) planeamentu opesaun naval e planeamentu operasaun tatica policial.
Materiál ne’e bele apoia pesoál polísia no militár iha área operasaun konjunta no kombinada, inklui operasaun konjunta kombinada ne’ebé bele iha ligasaun ho misaun manutensaun pás iha nivel nasionál no internasionál, hodi ajuda sira atu kumpre sira-nia misaun manutensaun pás iha rai-li’ur.
Partisipante 3 edisaun iha Kursu Integradu Estadu-Maiór Konjuntu (CEMCI), iha loron 6 fulan-agostu tinan 2024, sira simu ona matéria Doutrina Operasaun Terrestre, ne’ebé hanorin hosi Profesór Majór Concieção, hosi Instituto Universitário Militar (IUM) Portugál, iha auditóriu Palácio Governu.#MediaIDN
|
|
