Díli, 24 Novembru 2025 — Institutu Defeza Nasionál (IDN) hala’o atividade hasoru malu ho membru sira husi Komunidade Países de Língua Portuguesa (CPLP) iha loron Segunda-feira iha Hotel Timor, bainhira delegasaun Fórum do Mar CPLP vizita Timor-Leste.
Iha hasoru malu ne’e, partisipa husi Diretór Interinu IDN, Dr. Nuno Corvalo Sarmentu, no Diretór Diresaun Investigasaun, Dezenvolvimentu no Inovasaun (DIDI), Dr. Guilherme Soares, hodi hametin relasaun entre IDN-TL no delegasaun CPLP. Hodi fó mós oportunidade atu esplora dalan kooperasaun iha área seguransa no defenza marítima, no atu halo membru delegasaun sira konese malu.
Enkontru informal ne’e kria ambiente di’ak atu troka ideia kona-ba dezafiu no estratéjia marítima iha rai sira CPLP, inklui Timor-Leste hatudu prontidaun atu kontribui ba fórum multilateral sira, hodi aumenta imajen no visibilidade nasaun iha CPLP.
Hasoru malu ne’e fó oportunidade boot ba intersaun diretu entre lideransa área defeza, seguransa marítima, diplomata, no representante sira husi CPLP, hodi hadia ligasaun no estratéjia kooperasaun ba futuru.
Atividade ida ne’e mós fo valor amizade, solidariedade no unidade entre país sira iha CPLP, liu-liu iha esforsu kolektivu atu rezolve problema marítima komun, promove Unidade no Espírito Solidariedade CPLP.
Tanba tuir ajenda, delegasaun sira mós partisipa iha Konferénsia Fórum do Mar ba dala lima, ne’ebé IDN Timor-Leste simu onra hanesan uma-na’in. Ida ne’e sinal forte kona-ba kompromisu Timor-Leste atu hametin kooperasaun lusófona no dezenvolvimentu sustentável iha espasu marítimu komún.
Vantajen ida boot mak Institutu Defeza Nasional (IDN) hetan bainhira organiza atividade ho delegasaun membru sira husi nasaun CPLP atu partisipa iha Semináriu Fórum do Mar CPLP. Tanba IDN sai uma-na’in ba ativdade ne’e, hatene oportunidade boot atu hadia kooperasaun multilateral, troka esperiénsia kona-ba seguransa marítima, no hametin relasaun diplomátiku antár nasaun sira membro CPLP. Atividade ne’e mós fó prestíjiu ba IDN hanesan instituisaun ezersédu kona-ba peskiza, edukasaun no seguransa nasionál.
Eventu internasionál ne’e ho tema “Dezafiu Jurídiku sira iha Jestaun no Utilizasaun Tasi” fó plataforma ida ba reflesaun profundu kona-ba kompleksidade legál iha domíniu marítimu, iha tempu mundu ne’ebé enfrenta mudansa aseleradu—avansu teknolójiku, atividade ekonómika iha tasi ne’ebé sai liu tan, no impaktu mudansa klimátika.#MédiaIDN
