Díli, 4 Agostu 2025 – Funsionáriu sira ho kargu xefia husi Institutu Defeza Nasionál (IDN), hamutuk ho alunu Kursu Estadu Maior Konjunta Integradu ba dala 4, partisipa iha seremónia hasae Bandeira Nasionál, Segunda-feira, iha resistu Palásiu Governu Díli.
Seremónia ne’e marka semana dahuluk fulan Agostu, hanesan parte importante husi preparativu ba selebrasaun loron relevente nasionál. ne’eb’e hetan inspetór husi Sua Exelénsia Sekretária Estadu ba Igualdade, Sra. Elvina Sousa Carvalho. Iha nia diskursu, hatete katak iha fulan Agostu, Estadu Timor-Leste sei komemora loron boot rua:
1. Loron FALINTIL, Forsas Armadas de Libertação Nacional de Timor-Leste) iha fulan Agostu, mak loron importante tebes iha istória Timor-Leste. Loron ne’e sei komemora iha 20 Agostu, no nia importancia mak boot ida ba memória nasional Timor-Leste.
2. Loron 30 Agostu – loron referéndum historiku, ne’ebé hatudu dezenvolvimentu ida boot ba soberania no independénsia nasaun.
Sekretária Estadu hateten katak, selebrasaun loron boot ne’e iha objetivu atu hafanu espírito nasionalizmu no patriotizmu iha funsionáriu públiku sira, hodi motiva sira atu hala’o servisu ho honestidade, bazeia ba Lei Funsaun Públika, no fó kontribuisaun efetivu ba dezenvolvimentu Timor-Leste.
Partisipasaun IDN iha serimónia hasae bandeira iha inísiu fulan Agostu iha signifikadu boot iha kontestu nasional. Serimónia ne’e mak aktividade patriótiku importante atu hatudu loyalidade no respetu ba bandeira nasionál, hanesan simbolu soberania no unifikasaun povu Timor-Leste.
Alunus IDN sira, hanesan lider foun ba futuru, aprende husi esperiénsia ne’e atu valoriza bandeira nasionál, respeita istória, no sustenta identidade Timor-Leste. Iha kontestu ida ne’e, sira sei aumenta sentidu nasionalizmu no kontribui ba unifikasaun entre instituisaun militár no sivil. Relasaun harmonia iha estrutura governu, inklui IDN, importante tebes ba dezenvolvimentu Nasionál. #MédiaIDN
|
|
