Díli, 1 Dezembru 2025 – Funsionáriu Instituto Defeza Nasionál (IDN), hamutuk ho alunu Kursu Estado Maior Konjunta Integradu (CEMCI) ba dala 4, kolektivamente partisipa iha serimónia hasa’e Bandeira Nasionál iha resintu Palásiu Governu, iha semana dahuluk fulan Dezembru 2025.
Serimónia ne’e preside husi Inspektor Serimónia, Sua Exelénsia Visi Primeiru Ministru no Ministu Koordenador ba Asuntu Sosiais, no Ministu Dezenvolvimentu Rural Abitasaun Komunitária, Mariano Assanami Sabino. Atividade lulik-ne’ebé hahú ho minutu silénsio ne’e hala’o hodi fó ondra ba asu’ain sira ne’ebé lakon no la iha ho ita iha loron ida-ne’e.
Partisipasaun funsionáriu IDN ho kargu xefia no alunu CEMCI ba dala 4 iha serimónia hasae bandeira nasional iha tempu signifikante hanesan semana primera fulan Dezembru, iha valor simbóliku boot. Ida ne’e reforsa patriotismu, promove respeitu ba bandeira Nasional no hatudu unidade entre funsionáriu públiku, F-FDTL, PNTL no povu Timor-Leste.
Ba funsionáriu no estudante sira, partisipasaun iha serimónia ofisiál hanesan parte importante husi edukasaun lideransa. Momentu ne’e fó oportunidade atu aprende mosu vizu profi¬sionál, disiplina, prontidaun no komportamentu adekuadu iha servisu Estadu.
Serimónia ne’e envolve instituisaun governu, seguransa no defeza, hodi buka eduka foin sae sira ba kooperasaun. Prezensa funsionáriu IDN no alunu sira atul tuir formasaun iha IDN ajuda atu aumenta interaksaun, troka informasaun no fortifika relasaun entre setór estatal sira, iha mandamentu atu halo servisu públiku ho diak liu tan.
ho prezensa lideransa altu no alunu nivel profisionál mosu modelu inspirador ba jenerasaun foun. Ida ne’e valoriza rai doben, bandeira nasional no servisu Estadu. Serimónia hasae bandeira la’ós ritual de’it, maibé mos lembransa katak funsionáriu sira iha obrigasaun atu servisu ba povu, halo Estadu forte no promove unidade nasional. #MédiaIDN
