Díli- Institutu Defeza Nasional iha loron 15 Outobru tinan 2024, partisipa iha Interkámbiu Kulturál entre Timor -Leste ho Indonézia hodi hametin amizade Komunidade rai rua iha futuru, iha salaun Hotel Ambeno RAEOA.
Serimonia Interkámbiu Kulturál ba loron rua ho tema, Memória koletivu husi memória ba esperensa hametin Rekonsiliasaun ho objetivu atu koalia ba malu iha kompriensaun mútu entre timor leste no Indonézia hodi buka dalan ba rekonsialisasaun ba hametin amizade komunidade Rai rua , hahu agora no ba futuru.
Vice Premeiru Ministru, Ministru asuntu sosiál no Ministru Dezenvolvimentu Rurál no Abitasaun Komunitáriu Sua exelensia Eng. Mariano Assanami Sabino wainhira hala’o abertura ba serimonia interkãmbiu Kultura hateten, festival Fronteira ho objetivu realiza seminário hodi palestrador sira bele hato’o sira nia hanoin ,liga prosesu rekonsiliasaun, hodi hasae komunidade rai rua nia komprensaun.
Liu husi seminário sira nunee ,bele rekonsializa ba hametin dame no demokrasia tanba ne’e ita koalia ba futuru alvu ba partisipasaun husi ita nia maluk timor oan sira ,ne’ebé iha tinan 1999 halai ba Indonésia hodi oras ne’e hela namkari iha Munísipiu Belu, Timor Tengah Utara (TTU) , Munisipiu Soe, ho Propinsi Kupang.
Iha seminário ne’e, Palestrador Vice Premeiru Ministru, Ministru asuntu sosiál no Ministru Dezenvolvimentu Rurál no Abitasaun Komunitáriu Sua exelensia Eng. Mariano Assanami Sabino, koalia liu ba rekonsiliasaun Timor oan, tuir prespetiva polítika Estadu. Palestrador darua Prezidente RAEAO Sr, Rogerio Tiago de Fatima Lobato koalia kona ba vizaun rekonsialiasaun Timor Leste, hametin Unidade Nasional. Palestrante datolu Ministru Joventude Desportu Arte Kultura Sr. Nelio Isac Sarmento koalia liu kona ba prespetiva Joventude ba hametin dame no demokrasia iha sesaun parte dader.
No sesaun parte lokraik palestrador Sr. Basilio de Araújo konseleru FKTT, koalia kona ba rekonsiliasaun ba hametin relasaun amizade entre Timoroan. Palestradora Sra. Manuela Leong hanesan diretora ezekutivu ACBIT koalia liu kona ba Rekonsiliasaun husi prespetiva vitima violasaun Diretur Umanus Konflitu politika pasadu. Palestrador Dr. Yoseph Yapi Taum koalia kona ba Memória Koletiva Nudar Aprosimasaun ba Rekonsiliasaun, Palestrador Sr. Desire Gasana Rwangeo koalia kona ba Rekonsiliasaun iha Rwanda Prinsipiu no Pratika diak sira.#MediaIDN
|
|
