Dìli 16/09/2025, Diretór Interinu Institutu Defeza Nasional Dr. Nuno Corvelo Sarmento hamutuk funsionariu IDN, presta omenajen mate isin saudozu Domingos Dias Dos Santos (Sebaha) no hato’o sentidu profunda kondolensia mos ba familia iha enlutadu matebian nia rezidensia Kaicoli Dìli tersa-feira ne’e.
Hafoin hato’o omenajen ba mate isin matebian “Sebaha” Diretor Internu hamutuk ho funsionariu sira, kontinua akompana maktoban nia isin mate ba Igreja katedral Dili hodi halo selebrasaun Misa Rèquiem Ba Maktoban Sebahan nia isin mate ne’ebe preside husi Amo Demetrio Da Conceicao.
Matebian Domingos Dias Dos Santos (Sebaha), moris iha loron 4 fulan maiu tinan 1942, no hakotu i’is iha Hospital Nasional Guido Valadares Dili iha loron 15 fulan setembru tinan 2025, tamba moras kumplikadu.
Maktoban forma uma kain ho sra. Cesaltina martins (Matebian), hamosu ai funan domin nain 9 kompostu husi feto nain 6 no mane nain 3.
Tuir informasaun ne’ebe media instituto defeza nasional asessu katak, Depois misa requiem ba matebian sei kontinua desloka kadaver husi paroquia katedral ba komite central Fretilin (CCF) Komoro Dili, hafoin ne’e lori saudosu nia isin mate ba nia hela fatin iha Munisipiu Aileu. #MèdiaIDN
|
|
