Díli- Diretór Interinu Institutu Defeza Nasionál ( IDN) Dr. Guilherme Soares, akompaña , Dr. José Manuel Fernandes “Nakfilak”, ho Dr. Nuno Corvelo Sarmentu inklui mós Funsionáriu IDN sira, iha loron 3 fulan Juñu, tinan 2024, presta omenajen ikus ba Mate isin, Saudozu Mateus Brito Ximenes, iha matebian nia horik fatin Vila Verde Díli.
Tuir informasaun ne’ebé asesu husi Familia sira katak, matebian Mateus Brito Ximenes hakotu iis iha loron 30 fulan Maiu, tinan ne’e, iha Hospital Nasionál Guido Valadares (HNGV), tanba afeita husi bala musan , ne’ebé matebain hetan tiru husi Militár Indonésia sira iha akontesimentu Masakre Santa Kruz 12 Novembru iha Tinan 1991.
Hodi lori sofrimentu ba Saudozu nia isin hetan infeksaun, no família sira konsege lori ba hala’o tratamento iha Hospital Nasionál Guido Valadares (HNGV), maibe la konsege, salva saudozu nia vida, hodi Saudozu hakotuk nia peregrinasaun iha mundu, husik hela nia fen kaben ho oan na’in 4.
Tempu Pasadu Saudozu mós, hanesan joven resistência , ne’ebé hamahon an iha organizasaun Juventude Estudante Timor Leste (OJETL), saudozu mós , fó nia kontribuisaun hodi liberta rai ida ne’e, nakfilak ba Nasaun Repúblika Demokratika Timor Leste (RDTL) ne’ebé ohin loron ita hotu, sente ba.
Ho Saudozu nia distinu, ne’ebé husik hela mundu alugadu ida ne’e, husik hela triste ba família ho sauduzu nia maun alin resistência sira ne’ebé, uluk iha pasadu sira hamutuk kumu liman ho hanoin ida , Mate ka moris ukun rasik an.
Mate isin saudozu Mateus Brito Ximenes oras ne’e dadaun sei iha hela nia uma , hodi hein Prezidente da Repúblika sei dekreta dekretu lei, hodi halot matebian ho dignu iha Jardin dos Heróis Metinaru Díli, iha loron 5 Juñu tinan ne’e. #MediaIDN
