Díli- Instituto Defeza Nasional ba loron 23 fulan Janeiru tinan 2025, realiza enkontru jerál ho kargu xefia sira hodi informa programa importante sira , liga ba aktividade instituisaun IDN ba tinan 2025.
Enkontru Jerál ne’ebé prezide husi Diretór Ensinu Formasaun IDN, Kapitaun Tenente Duarte Borges Loe, hodi informa katak, iha loron 6 Fevereiru tinan 2025, IDN sei hala’o’sosializasaun Kursu Estadu Maior Konjunto Integradu dala ha’at, ba oficial sira husi instituisaun Polísia Nasional Timor Leste (PNTL) no oficial husi FALINTIL – Forsa Defeza Timor Leste F-FDTL iha Auditório IDN Palásiu Governu Díli.
Fundamentu husi sosializaun ne’e, hodi informa ba superior hirarkia husi Instituisaun Seguransa no Defeza katak , IDN sei kontinua realiza Kursu Estadu Maior Konjunto Integradu ba dala há’at iha tinan akademia 2025. Hodi diresaun responsável IDN informadu no prepara realiza ba aktividade sosializasun mensiona.
Nunee mós Informa sobre kontinuasaun Kursu Primeiru Mestradu ne’ebé hein partisipantes sira kontinua ba hakerek proposta peskiza no finalizasaun kursu Kapitaun portuária ne’ebé, tuir planu sei hala’o iha fulan Abril, tinan 2025 nia laran, inklui ho kontinuasaun kursu segundu mestradu.
Alende mós , informa aktividades palestra ne’ebe sei realiza husi participantes Kursu Estadu Maior konjunto integradu ba dala tolu iha tempu badak , antes hakat ba serimonia gradusaun.
Rohan, diretor ensinu formasaun ne’e, husu ba diresaun sira hotu iha IDN, atu kontinua hametin tarefas servisu, hodi implementa programa sira ne’ebé instituisaun IDN realiza ba tinan 2025. #MediaIDN
|
|
