Aileu, 29 Agostu 2025 – Instituto Defeza Nasionál (IDN) realiza serimónia kultura iha sesta-feira kalan, hodi loke dalan kultural ba konstrusaun fatuk dahuluk ba Eskola Akademia Militar Konjunta iha Hundolte, Suku Liurai, Munisípiu Aileu.
Serimónia ne’e fó valor ba kultura no tradisaun Timor-oan, hanesan sinal respeitu no konsiderasaun boot ba rai laran, uma lisan, no komunidade lokal sira ne’ebé atu envolve iha prosesu konstrusaun referidu.
Iha serimónia ne’e, IDN konvida lia-nain husi uma lisan Hoholu no Rai Mansu atu hala’o serimonia ritual tradisionál, hodi husu no simu bendisaun ba rai iha fatin konstrusaun. Atividade ne’e mós objektivu atu loke dalan ba kooperasaun entre instituisaun estadu nian ho komunidade lokal, no fó seguransa espiritual ba projetu nian.
Serimónia importante ne’e hetan asiste husi Diretór Ezekutivu IDN, Dr. Nuno Corvelo Sarmento, asesór José Manuel Fernandes, Dr. Guilherme Soares, no reprezentante husi Prezidente Autoridade Munisípiu Aileu.
serimónia tradisionál hanesan parte importante iha prosesu dezenvolvimentu, ne’ebé respeita valor kultura no lisan povu Timor-oan, hafoin hametin relasaun entre estadu no komunidade. #MédiaIDN
|
|
