𝗗𝗶́𝗹𝗶, 14 de Novembru 2025 — Institutu Defeza Nasionál Timor-Leste (IDN-TL) partisipa primeira vez hanesan membro permanente iha enkontru Track II Network of ASEAN Defence and Security Institutions (NADI), ne’ebé hala’o husi loron 10 to’o 13 Novembru 2025, iha Rizqun International Hotel, Bandar Seri Begawan, Brunei Darussalam.
Delegasaun Timor-Leste representa husi Diretor Peskuisa, Dezénvolvimentu no Inovásaun IDN-TL, Sr. Guilherme Soares, ne’ebá reprezenta ofisiálmente Timor-Leste iha enkontru ida-ne’e.
Evento ida-ne’e, ne’ebé organiza husi Sultan Haji Hassanal Bolkiah Institute of Defence and Strategic Studies (SHHBIDSS), Ministério Defeza Brunei Darussalam, hodi hamutuk ho especialista sira no institusaun-defeza sira hosi nasaun sira membru ASEAN atu diskute tema:
“The Evolving Character of Warfare: Readiness and Adaptation”.
Durante enkontru, partisipante sira analiza impaktu mudansa sira iha karakter konflitu sira iha atualidade, inklui ameasa hibridu, siber, informasaun no dezenvolvimentu teknológiku sira. Partisipante sira apresente mos rekomendasaun estratéjiku atu hadia kooperasaun rejionál iha ADMM no ADMM-Plus, hodi aumentu konsiensia situasional, interoperabilidade no reziliénsia komun iha ASEAN.
Partisipasaun IDN-TL halo marka pasu importante tebes ba integrasaun Timor-Leste iha mekanismu seguranza no defeza rejionál sira, no reforsa kompromisu nasaun atu hadia establidade, diálogu estratéjiku no kapasidade konstrusaun iha rejiaun Sudeste Aziátiku.
Sr. Guilherme Soares hato obrigadu ba anfitriã Brunei Darussalam no sublinha katak partisipasaun ida-ne’e “hanesan momentu istóriku ba Timor-Leste, hodi hatudu katak, integrasaun iha dinamika seguranza rejionál no kontribuisaun ida ne’ebé IDN-TL hakarak kontinua fó mak hsnesan iha área peskuisa, ensino formasaun no kooperasaun estratéjiku.”
NADI sei kontinua halo enkontru tan iha 2026, ho programa atividade tematika sira ne’ebé iha ona iha kalendáriu anual da organizasaun nian iha âmbito ASEAN nian. #MediaIDN
