Singapura – Encontro Rede Instituisaun Defeza no Seguransa ASEAN (NADI) organiza husi Rajaratnam School of International Studies ( RSIS) no Ministerio da Defesa Singapura (MINDEF) hahú ona sira-nia konferénsia anuál iha Singapura, ne’ebé hili téma “Konflitu sira ne’ebé afeta Rejiaun no Papel ADMM/ADMM-Plus iha Prevensaun no Jestaun Konflitu”. Evento ne’e hala’o husi loron 4 too 7 Novembru 2024 iha Grand Copthorne Waterfront Hotel, no reúne represente sira husi instituisaun defeza no seguransa husi nasaun ASEAN nian no observadór internasionál sira.
Institutu Defeza Nasionál Timor-Leste (IDN-TL), ne’ebé reprezenta husi Diretor Interinu, Sr. Guilherme Soares, partisipa iha enkontru ida-ne’e hanesan membro observadór iha rede NADI. Presensa IDN-TL ne’e fó oportunidade ba Timor-Leste atu haforsa ligasaun rejionál ho instituisaun conjeneru no dezenvolvimentu estratéjiku atu promove dame no estabilidade, ne’ebé hanesan objetivu ida husi rede NADI.
Programa konferénsia ne’e inklui sesaun estratéjiku sira no momentu atu iha interasaun entre partisipante sira. Iha loron abertura, serimónia ne’e inklui diskursu ida husi Sra. Elizabeth Tan, Diretór Divisaun ASEAN iha Ministériu Defeza Singapura, ne’ebé hatete desafío no oportunidade ba seguransa rejionál iha kontestu ne’ebé iha futuru.
Konferénsia ne’e fó oportunidade ba partisipante sira atu troka prespektiva no partilha informasaun kona-ba pratika no estratéjia prevensaun no jestaun konflitu sira, hodi promove kooperasaun no komprensaun entre nasaun membro sira ho observadór sira. Presensa Timor-Leste atu kontribui ba dame no estabilidade rejiaun nian.
Sesaun Apresentasaun I: Senáriu Konflitu sira ne’ebé Afeta Rejiaun
Iha primeira sesaun, membro sira husi NADI aprejenta konflitu potencial sira ne’ebé bele mosu ka afeta rejiaun no diskute konaba oinsá senáriu hirak-ne’e bele mosu realidade. Pergunta sira hanesan orientasaun inklui causas potencial husi konflitu sira ne’ebé afeta rejiaun, hanesan disputa maritima, seguransa bee, hahán no energia, diferensa relijioza ka ideolojia no rivalidade poder. Tanba nee, sira mos deskuti konaba impaktus konflitu sira-ne’e ba rejiaun.
Nasaun sira hanesan Brunei (SHHBIDSS) , Kamboja (GDPFA), Indonézia (CSSRD TNI), Laos (MSHD), Malázia (MIDAS) no Filipina (NDCP) aprejenta senáriu espesífiku sira ho tempu apresentasaun balu limita ba minutu sanulu (10), ne’ebé kontínua ho diskusaun 45 minutu entre partisipante sira, atu troka ideia kona-ba desafiu rejionál.
Sesaun Apresentasaun II: Prevensaun no Jestaun Konflitu
Sesaun ida ne’e foka ba iniciativa no mekanizmu sira ne’ebé ADMM/ADMM-Plus bele uza atu prevene konflitu ka jestaun konsekénsia sira bainhira konflitu mosu. Representante sira husi NADI buka nafatin interese komun husi ASEAN no diskuti konaba oinsá ADMM/ADMM-Plus bele hakat atu desescalada konflitu no prevene . Entre tópiku sira ne’ebé diskute, inklui iniciativa atual husi ADMM/ADMM-Plus no mekanizmu foun sira ne’ebé bele buka atu reduz risiko no mitiga konsekénsia konflitu sira.
Nasaun sira hanesan Indonézia (RIDU), Laos (MHHD), Malázia (NDUM) no Filipina (AFP-OSSSM), Singapore (RSIS), Thailandia (SSC), Vietnam (IDS), Myamar (OCAFT), Timor-Leate (IDN-TL) aprejenta senáriu espesífiku sira ho tempu apresentasaun balu limita ba minutu sanulu (10), ne’ebé kontínua ho diskusaun 45 minutu entre partisipante sira, atu troka ideia kona-ba desafiu rejionál.
Diskusaun sira-ne’e reforça kompromisu nasaun membro ASEAN atu promove dame no seguransa iha rejiaun. Sr. Guilherme Soares, hanesan represente husi Timor-Leste, fo kontribuisaun ba iha sesaun sira, fó perspetiva kona-ba impaktu rejionál no importánsia husi kolaborasaun estratéjiku atu hametin estabilidade iha Sudeste Aziátiku.#MediaIDN
|
|
