Koléjiu Infante de Sagras Maliana Hetan Doasaun Materiál Didátiku

Materiál didátiku ne’e, entrega direita husi Sua Exelénsia Ministru Defeza contra Almirante Donaciano Costa Gomes “ Pedro Klamar Fuik” akompaña husi Diretór Instituto Defeza Nasionál Dr Guilherme Soares, kordenador Pedagojia Sientifiku e Cientifiku Pos Gradusaun estudu do Mar (PGEM) IDN, Professor Doutor eis Almirante António Silva Ribeiro.

Sua Exelénsia Ministru Defeza Kontra Almirante Pedro Klamar Fuik iha nia diskursu hateten, hodi IX governu Konstitusionál nia naran, agradese ba Assembleia regional Açores nian ne’ebé kontinua manifesta sira nia solidariedade mai Kolejiu Infante de sagras Maliana, ne’ebé iha pasadu, eskola ida forma líder ho Aswa’in barak hodi luta liberta rai ida ne’e, no atual ne’e sira mós ,sai líder ba Nasaun Timor leste.,

Nune’e nafatin iha faze ba ukun rasik an ida ne’e, Koléjiu Infante de Sagras Maliana kontinua fó na kontribuisaun atu bele dezenvolve rai ida ne’e. espera apoia ida ne’e bele ajuda tulun ita bo’ot sira prosesu apredizajen ho diak liu tan. No husu ba ita bo’ot sira tenke hala’o dever hodi aproveita didiak estuda , no tanba ita bo’ot sira maka futuru líder ba Nasaun ida ne’e, hodi kontinua tuir objetivu herói sira nian.

Tempo hanesan mós kordenador Pedagojia Sientifiku e Cientifiku pos gradusaun estudu do Mar (PGEM) IDN, Professor Doutor eis Almirante António Silva Ribeiro hatutan ,sente kontente bele realiza doasaun ida ne’e hodi tulun estudante eskola koléjiu Maliana , maske distásia entre Timor leste ho Portugal do’ok ba malu tebes, ne’e labele hamihis domin ne’ebé maka ita sente ba malu.

Oportunidade ne’e mós, Diretór eskola koléjiu Sagres Maliana Padre Norberto Soares agredese ba diak tomak Ministériu Defeza ho Assembleia regional Açores ne’ebé tulun ona matérial didatiku kontetor ida, kompostu husi computador unidade 30, laptop 30 , livru ho assessores sira hodi fasilita no apoia liu tan estudante koléjiu ne’e , bele hala’o estudu ho diak. #MediaIDN