Díli, 6 Outubru 2025– matéria Planeamentu Operasaun Kombate mak aspektu importante iha prosesu formasaun profisionál no dezenvolvimentu kapasidade estratéjiku ba ofisiais sira ne’ebé partisipa iha Kursu Estado Maior Konjunta Integradu ba dala 4, iha Institutu Defeza Nasionál (IDN).
Matéria ne’e hanorin husi Majór Luís Conceição husi Institutu Universitáriu Militar Portugál, no fó enfáziu ba benefísiu sira ne’ebé alunu sira bele hetan liuhusi kursu ida ne’e, hahu husi loron 6 to’o 29 outobru tinan ne’e, iha auditoria IDN Palásiu Governu Díli
Objetivu husi matéria Planeamentu operasaun Kombate atu aumenta Kompreensaun Operasionál Alunu sira bele kompreende prinsipiu sira no tipu-tipu operasaun kombate, hodi prepara-an atu dezenvolve planu operasionál ne’ebé efetivu iha situasaun reál.
Fortalese Koordenasaun Interforsa Iha nivel konjunta, alunu sira aprende halo planeamentu ne’ebé integra unidade FALINTIL-FDTL nian hanesan Forsa Naval, Terrestre no Aeru. Ne’e importante atu garante operasaun ida harmoniku no koordenadu.
Dezenvolve Pensamentu Analítiku no Estratéjiku alun sira motiva atu analiza informasaun operasionál, identifika problema, no hala’o desizaun bazeia ba rasionál no lidensa estratéjika.
Prontidaun ba Realidade Terrenu lori Alunu sira prepara-an atu responde ba dinamika situasaun iha terrenu, inklui limitasaun rekurso no interasaun ho unidade seluk, liuhusi simulasaun bazeia iha ezérsisi reál.
Reforsa Lideransa Militar liu husi Alunu sira halo simulasaun papel lideransa nian, hodi fó konfiansa ba autoridade iha prosesu preparasaun no implementasaun operasaun.
Liuhusi kursu ida ne’e, ofisiais sira iha oportunidade atu kontribui ba defeza soberania no integridade teritóriál Timor-Leste, liuhusi planeamentu ne’ebé efisiente no efikás, hodi Kóntribuisaun ba Seguransa Nasionál #MédiaIDN
|
|
