Díli- Ministru Defeza Professor Doutor Contra Almirante Donaciano Costa Gomes “ Pedro Klamar Fuik”, akompaña husi Xefi Estadu Maior Forsa Armada (XEMFA), Brigadeiru Jenerál José da Costa Soares “Trix”, Diretór Interinu Institutu Defeza Nasionál (IDN) Dr Guilherme Soares iha Loron 16 , fulan Agusto , Tinan 2024, hala’o ona aprezentasaun proposta Orsamentu Jerál Estadu ba Tinan 2025 ba Primeiru Ministru (PM) Kay Rala Xanana Gusmão no membrus Komité Revisaun Orsamentu sira iha Auditória Ministério Finansas Aitarak Laran Díli.
Hafoin remata aprezentasaun, Ministru Defeza Contra Almirante ba Jornalista sira afirma , Komisaun Revisaun Orsamentu (KRO) rasik, sei halo ajustamentu hodi hare nesesária hodi bolu fila fali, Ministériu Defeza ho institusaun tutela sira, hodi bele hare, proposta orsamentu adisional ne’ebé propoin, hodi bele ajusta tuir ba orsamentu Jerál Estadu ba tinan 2025 ne’ebé maka iha. No Ministeriu Defeza ho institusaun tutela sira, konkorda atu simu saída deit maka husi Komisaun Revisaun orsamentu (KRO) atribui ba dezenvolvimentu Institusaun sira nian.
Tuir Proposta tetu inisial orsamentu Jeral tinan 2025 ba Institutu Defeza Nasionál , Komisaun Revisaun Orsamentu aprova ona ho montante rihun atus walu. $841.140 USD husi Categoria Oracmentu ba Bens e Servico $ 603,007 USD no Salario e Vencimento ho valores $ 231,133 USD Hodi sustenta aktividade barak ne’ebé iha, tau iha konsiderasaun, liu-liu atividades sira ne’ebé planea iha tinan 2023 no 2024, iha mós aktividades foun balu ne’ebé presiza tau komplementa, para bele responde ho intensaun polítika IX Governu Konstitusional nian.
Nune’e ba Orsamentu adisional, husi Institutu Defeza Nasionál , Propoin hodi reorganizasaun ba atividade letivas husi estudos conjuntos ba transformasaun IDN ba iha Instituto Universitario de Defesa Nacional (IUDN) hodi reorganizasaun unidades tolu mak hanesan:
1. Escola Superior Conjunta: Destina formasaun inicial ba oficiais husi F-FDTL no PNTL conferindo ba grau licenciado focado iha formasaun natureza universitária, habilita hodi ingresu ba iha quadros permanentes F-FDTL no PNTL
2. Escola Superior Conjunta de Comando e Diresaun: Responsavel ba formasaun oficiais F-FDTL e PNTL, oferese formasaun ba carreira hodi prepara funsaun sira prevista iha posto sira, essenciais ba progresaun ba carreira, no iha futuro IUDN-TL, hodi bele conferindo ba grau Mestre e Doutorado.
3. Instituto Politecnico Conjunto: Focado iha formasaun técnica husi membro F-FDTL no PNTL, ho curso técnicos professionais superiores (la iha grau académico ba promosaun sargento, curso técnicos superiores natureza professional, ho grau Bacherel ba promosaun sargento oficial técnico. Nune´e IDN propoin adicional $1,448,162.41 USD
hodi halo implementasaun. Portantu proposta adicional, ita iha esperansa sei hetan konsiderasaun husi Komisaun Revisaun Orsamentu (KRO), sei re-avalia fila fali, para hare’e no sei bolu fila fali Ministériu Defeza institusaun Tutela sira, para depois hodi hala’o atribuisaun final.
Ho ne’e, proposta orsamentu adisional Miliaun resin ne’ebé IDN solisita ne’e, presizamente para atu forma futuru líder , hanesan ita atu dezenvolve ita nia akademia Militar rasik iha ita nia Nasaun.
Tanba públiku akompaña Institutu Defeza Nasionál rasik , kria iha tinan 2010, durante tinan 12 ezisténsia, dezenvolve Kursu barak, dezenvolve Formasaun barak, halo mós peskiza barak , prepara mós futuru líder barak, ba futuru Pensador estratégico no planeador estratégico sira , Tanba ne’e Polítika Ministériu Defeza kontinua nafatin apoia hodi aktividades iha IDN bele lao ho diak, kontribui ba dezenvolvimentu Estadu Nasaun.
Enkuantu partisipa iha aprezentasaun proposta Orsamentu Jerál Estadu ba Tinan 2025, iha Komisaun Revisaun Orsamentu (KRO), mai husi Diretór Interinu IDN Dr Guilherme Soares, Diretór Jerál Gestão de Rekursu Dr Paulino Viegas, Diretór Administrasaun Finansas Dra Domingas Gomes de Deus, Reprezentante Diresaun Aprovisionamentu Patrimonial Dr Nilton Amaral e husi Logistica Eng. Johanes. #MediaIDN
|
|
