Díli- Partisipantes kursu Kapitaun Portu iha loron 10 fulan Janeiru tinan 2025, partisipa iha ezame matéria Direitu Tasi, hafoin sira partisipa aulas ba matéria refere durante loron 5, hahu loron 3 to’o loron 10. Ne’ebé hanorin husi dosente Professor doutor Vasco Becker Weinberg iha auditorio Institutu Defeza Nasional Pateo Díli.
Matéria ba ezame ho pergunta 20 ne’e, parte dader nune’e dosente Professor doutor Vasco Becker Weinberg ne’ebé Doutór iha Direitu ,husi Fakuldade Direitu Universidade Hamburgu nian. Mestradu iha Direitu husi Fakuldade Direitu husi Universidade Lisboa, hodi hatene partisipantes sira nia komprensaun no abilidade ba matéria mensiona.
Dosente ne’ebé nu’udar asesór ba Gabinete Juíz sira Tribunál Konstitusionál nian, Jurisconsult. No nu’udar Konsultór Jurídiku iha Gabinete Fronteira Terrestre no Marítima Timor-Leste, husu partisipantes atu prienxe matéria ezame mesak, labele husu ba malu, no servisu hamutuk. No tempu ezame oras ida.
Perguntas 20 ne’ebé menciona iha testu ezame, bazeia ba matéria ne’ebé dosente hanorin ho nia subtema sira hanesam Evolusaun Istória, Istória, Impériu, Tratadu Tordesillas, domíniu koloniál ultramarinu iha direitu tasi nia, direitu autodeterminasaun no prinsípiu soberania permanente ba rekursu naturál sira.
Aulas ne’e remata, ho parte Diresaun Ensinu formasaun Instituto Defeza Nasional entrega prendas ba Dosente no foto hamutuk.
Enkunatu Diretór ensinu formasaun IDN, Kapitaun Tenente Duarte Borges Loe iha remata aulas matéria direitu tasi , afirma espera, durante loron lima ita bo’ot sira aprende esprensia barak ligadu ho matéria dirietu tasi hodi aumenta ita bo’ot sira nia abilidade no husu ita bo’ot sira, kontinua mantein nafatin komunikasaun ho dosente. #MediaIDN
|
|
