Díli- Funsionáriu ho kargu xefia sira husi Institutu Defeza Nasional , tuir orariu husi diresaun rekursu Umanus IDN, sei hetan formasaun durante loron tolu, husi Komisaun Funsaun Publika.
Bazeia ba orariu mós, aulas formasaun ba parte dader ho lokraik, nune’e funsionariu ho kargu xefia sira hamutuk 61, sei troka malu. Nune’e hodi mantein aktividade servisu administrasaun bele kontinua lao nafatin .
Formasaun dahuluk iha loron 25 Fulan Novembru tinan 2024, parte dader ho materia etika profesional ne’ebé hetan abertura husi Diretór Interinu IDN Dr. Guilherme Soares agradese ba Diretór Diresaun formasaun etika profesional husi Komisaun Funsaun Públika Dr. Lourenso B. Magno ne’ebé ho disponibilidade bele mai fó formasaun ba Funsionario ho Kargu xefia IDN sira .
Ba IDN considera formasun ne’e importante tebes, nune’e espera liu husi formasaun ida ne’e ,IDN mai ho esperansa , bele profesionaliza liu tan funcionário ho kargu xefia sira bele hala’o servisu ho diak liu tan hodi obdese ba regras Komisaun Funsaun Publika iha servisu lor-loron.#MediaIDN
|
|
