Díli, 7 Jullu 2025 — Funsionáriu no kargu xefi sira, inklui alunu Kursu Estadu Maior Konjunta Integradu ba dala 4 iha Instituto Defeza Nasionál (IDN), partisipa iha serimónia hasae bandeira nasional iha loron Segunda-feira, ba semana dahuluk fulan Jullu 2025, iha Palásiu Governu, Díli.
Partisipasaun ida ne’e iha signifikadu boot iha kontestu nasional, tanba serimónia hasae bandeira mak atividade patriótiku importante tebes atu hatudu boot, loyalidade, no respetu ba bandeira nasional no simbolu soberania no unifikasaun povu Timor-Leste.
Partisipasaun funsionáriu no alunu sira , sei reforsa sentidu nasionalizmu no kontribui ba konsolidasaun unidade entre instituisaun militár no sivil. Relasaun harmoniozu entre estrutura sira ne’e iha papel importante tebes iha dezenvolvimentu nasional.
Alunu sira hanesan lider foun ba futuru, bele aprende husi partisipasaun iha serimónia nune’e atu valoriza bandeira nasional, respeita istória no sustenta identidade Timor-Leste. Nudár parte husi protokolu estadu, ne’ebé fó oportunidade atu demostra disiplina institusionál no respeitu ba norma ofisiál.
Iha serimónia ne’e, Sua Exelénsia Sekretáriu Estadu ba Komunikasaun Sosiál, Expedito Dias Ximenes, fó mensajen importante ba partisipante sira. katak ohin, loron 6 Jullu 2025, marka tinan rua IX governu Konstitusionál nian. katak, durante tinan rua ida ne’e, governu halo progresu importante, no ita hotu akompaña liu husi servisu média komunikasaun públiku.
Tuir nia, momentu ida ne’e importante atu halo reflexaun kona-ba kontribuisaun individual iha prosesu dezenvolvimentu. Ita hotu tenke partisipativa no toma responsabilidade iha governasaun nasional.
Iha era dezenvolvimentu dijital, estadu liu husi governu konstitusionál kontinua fó fasilidade teknolójia atu fó suporta ba instituisaun sira. Nune’e, funsionáriu públiku tenke hatudu komportamentu profisionál ho objetivu atu fó atendimentu diak, efisiente no responsávil ba públiku. #MédiaIDN
|
|
