Díli, 9 Marsu 2025 – Estrutura husi Instituto Defeza Nasional, funsionáriu no alunus kursu Estadu Maior Konjunta Integradu ba dala 4, presta omenajen ba mate isin matebian Dr. José Antonio Lourenço da Costa, iha mate uma Mamura Kakaulidu, iha Díli. hodi fó sentidu kondolénsia ba familia sira.
Matebian Dr. José Antonio Lourenço da Costa, naran istimadu Dr. Zeto, durante tinan barak, mós nudar dosente ne’ebé hanorin alunus no eis alunus sira , mai husi ofisial PNTL ho F-FDTL ne’ebé partisipa formasaun iha Institutu Defeza Nasionál. hakotuk, nia peregrinasaun iha hospital Nasional Guido Valadares (HNGV), iha loron 9 abril 2025, haleu tuku 12:00 meudia. Tanba hetan desmaia no monu iha Auditóriu Kampus Faculdade Ciência Sociais UNTL , iha dader haleu tuku 9 dader kuarta-feira.
Hafoin monu matebian, ne’ebé hanesan mós Dekanu Interinu Faculdade Filosofia Ciência Humana (FFCH), funsionáriu ho estudante tula ba karreta no transporta ba Hospital Nacional Guido Valadares hodi halo tratamentu, maibe infelizmente la konsege salva nia vida. Hodi lori tristeza ba familia, no Familia bo’ot UNTL ho IDN.
Matebian moris iha suku Bucoli, Postu Administrativu Baucau Villa, Munisípiu Baucau. Iha tinan 2025, simu konfiansa no assume responsabilidade nu’udar Dekanu Interinu Faculdade Filosofia Ciência Humana, Universidade Nacional Timor Lorosa’e.
Kareira akademika maktoban Prof. Doutor José António, MA,SSi, iha vida profisional termina nia Lisensiatura iha UNTIM, Mestradu iha Lisboa no Doutoradu iha Évora. Hanesan mós Membru movimentu estudante kontra okupasaun, ativista organizasaun oioin. Iha tinan 10 ikus maktoban, fó atensaun liu ba mundu investigasaun, hakerek livru, fo aulas no publikasoens. #MediaIDN
|
|
