IDN Remata Partisipasaun iha Formasaun Jestaun Dezastre no Asisténsia Umanitáriu

Formasaun ne’ebé ensera husi Sekretáriu Estadu Protesaun Sivíl, Domingos Mariano Reis, lori importante tebes tanba bele aumenta koñesimentu no kapasidade profesional ba partisipantes kona-ba prinsipiu, estratéjia no metodolojia iha jestaun dezastre, inklui prevensaun, preparasaun, resposta no rekuperasaun husi situasaun emerjénsia.

Formasaun ne’e iha objetivu atu, Fortalese preparasaun no resposta ba situasaun emerjénsia, hodi partisipantes bele responde lalais no ho efisiénsia bainhira dezenvolvimentu dezastre. Aumenta lideransaun no tomak desizaun iha tempu kríziku, hodi fó oportunidade ba fungsionáriu públiku no voluntáriu humanitáriu atu hasae kapasidade lideransaun.

Reforsa kolaborasaun interinstitusionál, inklui partilha esperiénsia ho profesionais husi organizasaun sira seluk, atu hametin koordinasaun no komunikasaun. Promove seguransa komunidade, liu husi kontribuisaun partisipantes atu bele hadia preparasaun no resposta iha nível lokal.

Eduka komunidade kona-ba dezastre, hodi fasilita iha disemina informasaun kona-ba risku, prevensaun no resposta dezastre. Aumenta profisionalizmu ba fungsionáriu públiku no voluntáriu humanitáriu.

Formasaun ida ne’e mós maka manifestasaun kompromisu atu reforsa kapasidade nasionál hodi responde ho efikáz ba dezenvolvimentu dezastre no fó asisténsia humanitáriu ba vitima sira. No parte husi kooperasaun internasionál entre Timor-Leste no Forsa Estados Unidos Amerika, liu husi Embaixada EUA iha Timor-Leste.

Nune’e Partisipasaun IDN iha formasaun ne’e fó kontribuisaun importante ba preparasaun nasionál atu enfrenta dezenvolvimentu dezastre, no mós hadia lideransaun, kolaborasaun, no resposta humanitáriu iha Timor-Leste. #MédiaIDN