Díli, 16 Novembru 2025 – Sua Exelénsia Ministru Defeza, Kontra-Almirante Donaciano Costa Gomes “Pedro Klamar Fuik”, Ph.D., tersa feira ne’e, hala’o enkontru avaliasaun ho Diretor Interinu Dr. Nuno Corvelo Sarmento, Diretór Jeral Jestaun Rekursu, Diretór Nasional, no funsionáriu sira husi Institutu Defeza Nasional (IDN). Enkontru ne’e ho objetivu atu avalia progresu servisu ne’ebé IDN halo durante tinan 2025 no diskute dezafiu sira ne’ebé hasoru, tuir planu atividade ba tinan 2026.
Durante enkontru, Ministru Defeza subliña importánsia kooperasaun forte entre lideransa no funsionáriu sira hodi asegura implementasaun politika no programa defeza ho di’ak. Enkontru mós fó oportunidade atu analiza realizasaun atividade sira, identifika problema sira ne’ebé iha, no buka solusaun hodi hadia kualidade servisu IDN iha futuru.
Ministru Defeza apresia esforsu hotu-hotu ne’ebé IDN halo, no hein katak Institutu Defeza Nasional bele kontinua fó kontribuisaun signifikante ba dezenvolvimentu setór defeza nasional.
Enkontru avaliasaun mós ajuda halo lia-nain di’ak entre lideransa no funsionáriu sira, hodi transmite informasaun kona-ba progresu klaru, fasilita koordinasaun no komunikasaun iha institutu. Ministru mós haree nivel implementasaun planu no programa sira iha tinan 2025, atu hatene servisu ne’ebé la’o di’ak no ne’ebé presiza hadia iha tinan 2026.
Enkontru ne’e fó oportunidade atu identifika dezafiu sira, inkluí dezafiu finanseiru, rekursu umanu, kapasidade institusionál no infraestrutura, no buka solusaun hamutuk. Avaliasaun regulár ne’e mós motiva lideransa no funsionáriu sira atu servisu ho responsabilidade, transparénsia, no kompromisu ba rezultadu, no fó diresaun klaru kona-ba prioridade governu nian iha área defeza no dezenvolvimentu institusionál. #MédiaIDN
