Iha ambitu Fórum do Mar CPLP, Institutu Defeza Nasionál (IDN-TL) fasilita enkontru entre Institutu Nasionál Petrolio husi Moçambique (INP) no Autoridade Nasionál Timor-Leste (ANP), ho objetivu atu partilha informasaun no diskuti oportunidade kooperasaun ba futuru.
Enkontru ne’e hala’o iha instalasaun ANP, IP iha City 8, Díli, no hetan partisipasaun husi Presidente ANP, I.P, Gauldino do Carmo da Silva , Administrador INP, Eng. Milton Zibane, jurista INP Dr. Manuel Sithole, no akompaña husi Diretor Investigasaun no Inovasaun IDN, Dr. Guilherme Soares.
Diskusaun ida ne’e fó oportunidade ba Timor-Leste no Moçambique atu hametin relasaun no kooperasaun internasionál iha setor energétiku, no promove troka esperiénsia no konheseimentu entre nasaun lusofonas sira. #MédiaIDN
