Díli, 5 Novembru 2025 — Alunu Kursu Estadu Maior Konjunta Integradu (CEMCI) Dala-4, iha kuarta-feira ne’e, hala’o avaliasaun ikus ba matéria Planeamentu Operasaun Kombate iha auditória Institutu Defeza Nasionál (IDN). Ne’ebé hanorin tiha fulan ida liuhusi Dosente Tenente Koronel Luís Conceição.
Matéria Planeamentu Operasaun Kombate fó oportunidade importante ba alunu sira atu hadia kapasidade analítika no estratéjika, liu husi prosesu planifikasaun operasaun militár. Iha tempu formasaun, alunu sira aprende tuir sistema planu estratéjiku atu prepara, organiza no kordena operasaun kombate ne’ebé responde ba situasaun real iha terenu.
Kursu Estadu Maior Konjunta Integradu integra ofisiais husi F-FDTL, no PNTL. Estrutura ida ne’e importante tebes atu reforsa ko’ordenasaun, lideransa profisionál, no tomada de deiszaun iha nível operasionál, aumesmu tempo aumenta konsiensia nasionál no espírito kolaborasaun entre instituisaun defeza ho seguransa .
Avaliasaun ikus iha loron ne’e maka parte hosi materia final ne’ebé iha objetivu atu avalia nivel koñesimentu no konprensaun praktiku estudante sira kona-ba Planeamentu Operasaun Kombate, liuliu iha aspetu planeamentu operasaun ofensivu.
Tuir organizasaun avaliasaun, relasiona ho prinsipiu planeamentu ofensivu, faze-faze husi prosesu foti desizaun militár (PDM), definisaun fatór kritiku ba susesu operasaun, análize misaun, no preparasaun orden operasionál.
Entre konténudu importante ne’ebé avalia iha teste, inklui tópiku hanesan, Objetivu prinsipál husi atake deliberadu. Marsa iha kontaktu no funsaun ahi nian iha operasaun ofensivu. Faze haat husi prosesu desizaun militár. Aneksu ba orden operasionál no diferensa entre orden preparatoriu no orden parsial. Análize misaun, identifikasaun fatin, no potensiál inimigu. No prinsipiu, eksploitasaun susesu, no klasifikasaun seguransa iha operasaun.
Avaliasaun final ne’e serve hanesan momentu importante atu identifika nivel konprensaun, kapasidade analítika, no aplikasaun prinsipiu planeamentu operasaun kombate husi kada alunu. reflete dedikasaun, disiplina, no profisionalizmu alunu sira iha ninia preparasaun atu kontribui iha seguransa no estabilidade nasional iha futuru. #MédiaIDN
|
|
