Diretor Interinu Instituto Defesa Nasionál (IDN) partisipa iha serimônia enseramentu estágio prátiku 1º Kursu Kapitão Portu, ne’ebé hala’o ho partisipasaun husi 18 estudante sira mai husi Autoridade Maritima Nasional, Componente
Naval, Unidade Policia Maritama no APORTIL, Atividade ne’e hala’o iha Porto Tibar ho duração loron tolu, no remata ohin, loron 06 de Março de 2025.
Estágio ne’e tuir Diretor Interino, Sr. Guilherme Soares ho objetivu principal atu fó esperiénsia prátika ba partisipantes sira, hodi hasae sira-nia koñesimentu kona-ba operasaun no jestaun portuária, seguransa marítima, lojístika portuária no regulamentasaun atividade portuária iha Timor-Leste.
Nune´e hetan mos konhesimentu ne’e no fó mos oportunidade atu hametin habilidade técnica no estratégia ne’ebé importante ba funsaun Kapitão Portu.
Serimônia ne’e hala’o ho partisipasaun husi dirigente importante sira iha Porto Tibar, inklui General Manager, Dr. Rafael, no Dirigente Técnica, Dra. Lila Alves ho equipa Porto Tibar S.A hodi partilha esperiénsia no sublinha importancia atu kontinua hametin kapasidade profisionál ba setor portuario iha Timor-Leste.
Estágio ne’e fó kontribuisaun importante ba dezenvolvimentu no hametin kapasidade profisionál marítimo sira, no bele ajuda atu moderniza no aumenta efisiénsia operasaun portuária iha ita nia nasaun.
Esperiénsia ne’e fó dalan ba partisipantes sira atu aplica koñesimentu ne’ebé hetan iha prátika, hodi fó impaktu di’ak ba dezenvolvimentu setor marítimo no portuário iha Timor-Leste.#MediaIDN
|
|
