Díli- Diretór Interinu Institutu Defeza Nasional Dr Guilherme Soares, iha loron 3 fulan, Outobru tinan 2024, hala’o enkontru preparasaun ho Diresaun sira iha instituisaun IDN, hodi prepara ba konferénsia virtual dahuluk, husi Fórum do Mar pais Comunidade Lingua Portuguesa (CPLP) iha loron 16 outobru 2024 , iha auditório IDN palásiu Governu Díli.
Objetivu husi enkontru preparasun ne’e, Diretór interinu IDN Dr Guilherme Soares , husu ba diresaun sira hotu, atu hala’o kordenasaun ba malu no mos preparasaun ho didiak, nune’e bele fó susesu ba realizasaun Konferénsia dahuluk Fórum do Mar pais Comunidade Lingua Portuguesa (CPLP) ne’ebé tinan ne’e, organiza husi Instituto Defeza Nasionál lao ho susesu.
Konferénsia dahuluk husi Forum do Mari Paises (CPLP) nian, ho tema “Haforsa vector tasi-iha nasaun CPLP nian,” organiza husi Institutu Defeza Nasional Timor-Leste, nu’udar na’in ba pozisaun Sekretariadu Ezekutivu ba tinan 2024-2025.
Objetivu prinsipál husi Konferensia dahuluk, mak atu reflete no debate de’it entre membru institusionál sira, oinsá bele reforsa nasaun Forum Tasi Pais CPLP nian, hodi identifika no habelar papél importante sira ne’ebé tasi hala’o iha área polítika, ekonómika, sientifika, sosiál, kulturál, ambientál no seguransa no, nune’e, kontribui ba implementasaun estratéjia husi organizasaun ne’e ba Oseanu nian .
Liu husi Konferénsia online dahuluk ne’e, ami buka atu kria, iha Forum Maritima Pais CPLP nian, ambiente ida-ne’ebé kondusivu hodi identifika oinsá Komunidade ida-ne’e bele kontribui ba troka esperiénsia, estabelesimentu estratéjia komún sira no definisaun diresaun sira iha futuru ne’ebé promove dezenvolvimentu sustentavel ba vector tasi nian iha nasaun CPLP sira.
Aproveita iha enkontru jerál ne’e , Diretór Interinu IDN Dr Guilherme Soares , husu mós ba Diresaun Ensinu Formsaun ho Diresaun Akademia sira, atu hala’o mós preparasaun ba kursu sira ne’ebé sei realiza iha tinan 2025 mai, hanesan kursu Akademia Konjunta, kursu Komandu Alta Diresaun Lideransa Administrasaun, Kursu ba Xefi Suku sira, Kursu segundua Edisaun ba Mestrado, no ikus preparasaun ba Tranformasaun IDN ba Institutu Universitariu Defeza Nasional (IUDN) #MediaIDN
|
|
