Díli- iha Ambito Aniversáriu Institutu Defeza Nasionál ba dala 14, Ministru Defeza Profesor Doutor Contra-Almirante Donaciano Costa Gomes “ Pedro Klamar Fuik “ iha loron 7 Setembru tinan 2024, realiza aktividades reflesaun ho tema dezenvolvimentu Instituisional ba tinan 14 ezisténsia instituisaun IDN ho Diretór Interinu, Kargu Xefia , Assesor ho Funsionáriu sira iha auditário IDN Palásiu Governu Díli.
Naturalmente ohin ita atu halo reflesaun badak kona-ba dezenvolvimentu instituisaun Instituto Defesa Naconal nian iha aniversariu ba 14 nian. Kuandu ita halo aniversariu, ita halo kontentamentu, hanoin Tinan 14, Institutu defeza Nasional moris hanesan instituisaun iha Nasaun Timor Leste, moris ho ita hotu, ne’ebé lao ho nia historia rasik, lao mós ho nia vida rasik.
Iha momentus ne’ebé mak difisil, iha perkursu dezenvolvimentu IDN nian, desafius ne’ebe IDN hasoru, iha falta de kapasitasaun iha lideransa, kultura organizasional, rekursus juridikus, rekursus finanseirus, rekursus humanus, dosentes, teknikus kualifikadus, espesializadus, materias sira hotu ne’ebé mak relasiona ho ensinamentu ba instituisaun ida. espasus ba rekusu peskiza, laboratoriu ba siensia teknologia ba seguransa, biblioteka, infraestruturas ne’ebe mak iha organizasaun ida presiza.
Agora ita tama iha pajina foun, atu transforma Instituto Defesa Nasional ba Instituto Universitariu Defesa Nasional, konstitui nessesidade bo’ot ida ba iha timor-leste, atu forma lideres, sira nia hanoin ne’ebe mak estratejiku. Tanba kuandu organizasaun ida la iha lider, destinu ne’ebe mak nia mehi, sei la realiza.
Ho ne’e, Iha mudansa Instituto Defesa Nasional nia ba instituto universitariu defesa nacional atu forma lider, ne’ebe mak konvencional, kredivel, prepara lider ba dekada futuru mai .
Nune’e, atu instituisaun ne’e bele realiza mehi ne’ebe mak iha, presiza rekursus ne’ebe mak adekuadu no mós iha organizasaun ida ne’ebe mak efetivu, operasional para atu bele implementa objetivus estratejikus ne’ebé mak ha’u koalia.
Tuir planu ne’ebé iha, Instituto universitariu de defesa nacional wanhira harii, sei kompostu husi fakuldade rua (2): Fakuldade de ciensia militar ou policial; Fakuldade de ciensia sociais politika dezenvolvimentu de seguransa, ne’ebe mai kompletu ho estrutura de konselus, diresaun geral de rekursus, servisus especializados, serviso de apoio jeral sira.
Ho ikus Ministru defeza hato’o agradese wain ba Diretór interinu, asesor ho kargu xefia ho funsionarius siras hotu Instituto Defesa Nasional tomak nia kontribuisaun hodi ohin loron, ita selebra aniversariu institiusaun ne’e ba dala 14 no parabéns ba ita bo’ot sira.#MediaIDN
|
|
