IDN ho Assesor Ministerio Defesa Diskuti Sobre Formasaun Kapitaun Portu

Diretór Interinu IDN Dr. Guilherme Soares hateten, Kursu ne’e ho nia objetivu jerál husi formasaun nian contribui ba salvaguarda interese Timor-Leste nian iha Tasi; efisiente no eficaz iha autoridade Timor-Leste nian iha Tasi; contribui ba capacitasaun Autoridade Maritima ho vizaun ba persecusaun nia misaun.

atu Kontribui ba formasaun Timor-Leste nian, atu ezerse autoridade Estadu nian iha tasi, no Kontribui atu fornese koñesimentu, regra no prátika ba kapitaun portu sira iha Timor-Leste iha futuru ne’ebé fó dalan ba sira atu hala’o sira-nia knaar.

Kontribui mós ba preparasaun pesoál sira seluk ne’ebé konsidera nesesáriu atu tuir kursu ida-ne’e, hanesan ho asistente kapitaun portu no na’in sira seluk ne’ebé iha pozisaun lideransa iha estrutura AMN.

Kursu ne’e nia Objetivu espesífiku sira,

Identifika asuntu sira ne’ebé tenke sai parte iha planu formasaun ba pesoál sira ne’ebé fornese servisu iha ámbitu AMN nian, liuliu iha pozisaun kapitaun portu. Define kondisaun sira ne’ebé formasaun ne’e tenke hala’o, Estabelese serbisu todan ba área temátika ida-idak, Identifika pesoál hanorin ne’ebé kualifikadu no ho esperiénsia iha área oin-oin iha kursu.

Partisipantes sira ne’ebé sei partisipa iha formasaun ne’e, mai husi pessoal sira iha Komponente Naval FALINTIL Forsa Defeza Timor Leste (F-FDTL), Unidade polisia Maritima , Polisia Nasional Timor Leste (PNTL), Alfandega, PSIC, Servico de Imigracao, Direcao Geral Pesca, Autoridade Tributaria, ANP, Protecao Civil, ANC, Autoridade Turismo, Inspecao Geral do Ambiente, Gabinete Fronteira Maritima, Comar ho Autoridade marítima sira. Ho durasaun 582 horas formasaun fulan 5, ho dosente mai husi Rai liur no rai laran.

Tanba Institutu Defeza Nasional mai ho nia misaun prinsipal dezenvolvimentu rekursu ba forsa armadas ho forsa servisu seguransa, inklui funsionário administrasaun pública no sosiedade sivil sira iha assunto defesa no seguransa. #MediaIDN