Díli, 2 Marsu 2025 – Diretór Instituto Defeza Nasionál (IDN), Dr. Guilherme Soares, hamutuk ho Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa, deskuti asuntu kona-ba formasaun lideransa ba rekursu umanu,husi ofisiál PNTL ho postu Superintendente Asistente no Superintendente sei simu.
Ba Média Nasionál, Diretór Interinu IDN, Dr. Guilherme Soares, hateten katak, enkontru ida ne’e foka liu ba diskusaun kona-ba formasaun ne’ebé iha momentu ne’e, Kursu Estadu Maior Konjunto Integradu (CEMCI) ba dala haat nian. Ne’ebé hala’o hela husi Instituto Defeza Nasionál.
Diretór Interinu IDN ne’e hatutan, dadaun ne’e, ofisial superior husi membru PNTL na’in lima , partisipa hela Kursu Estadu Maior Konjunto Integradu ba dala ha’at iha IDN, inklui diskuti, mós kona -ba traballu investigasaun sira ne’ebé alunus sira tenke bazeia ba vizaun ho misaun husi Instituisaun rasik.
IDN prontu atu fó apoiu ba formasaun no kapasitasaun rekursu umanu. Nune’e, institutu ne’e hein koordenasaun ho Komandu PNTL atu halo karta pedidu ba Ministeriu Interior no Ministeriu Defeza hodi hetan autorizasaun, atu bele permite ofisiál PNTL sira kontinua ba hetan formasaun.
Tempu hanesan Komandante jerál polísia nasionál Timor-Leste-PNTL, komisariu jerál polísia, Henrique da Costa hatutan katak,diskusaun ne’e importante tebes, tanba iha relasaun ho preparasaun rekursu umanu ba ofisiál superior sira ne’ebé foin-promovidu. Komandu PNTL sei halo pedidu formal ba Ministeriu Interior no Ministeriu Defeza atu bele konsidera partisipasaun husi ofisiál sira iha formasaun IDN.
“Komandu PNTL iha obrigasaun atu prepara formasaun ba membru sira hodi garante kualidade iha servisu fatin,” hateten Komisáriu Jerál.
Hafoin ne’e, Komandu PNTL sei identifika ofisiál sira ne’ebé iha postu Superintendente Asistente no Superintendente atu tuir formasaun iha IDN. Hafoin remata kursu, sira sei fila mai hodi kontinua dezenvolve no kontribui ba instituisaun PNTL.
Tuir dadus IDN, Alunus Kursu Estadu Maior Konjunto Integradu (CEMCI) ba dala 4 iha tinan 2025 ne’e total nain 14, mai husi , Superintendente Asistente no Superintendente na’in 5 husi PNTL, Majór nain 6 husi Komponente Terestre, Kapitaun Tenente nain 3 husi Komponente Naval husi F-FDTL.
Alunus sira ne’e, partisipa hela kursu CEMCI ba dala 4 iha IDN, hodi aumenta kualidade lideransa no kapasidade teknika sira ba dezenvolvimentu seguransa no defeza nasionál.#MédiaIDN
|
|
