Díli- Funsionáriu ho Kargu Xefia sira husi Instituto Defeza Nasionál (IDN) ho partisipantes 3° Cursu Estadu-Maior Conjunta Integradu (CEMCI ) ba semana dahuluk iha loron rua, fulan Setembru , Tinan 2024, partisipa iha serimónia Inçar Bandeira Nasionál ne’ebe realiza iha resintu Palásiu Governu Díli.
Serimónia inçar Bandeira Nasionál ba fulan ida ne’e, hetan inspetor Serimónia husi Vice Ministru Asuntu Parlamentar Sua exelénsia Adérito Hugo da Costa afirma iha asuntu rua, maka partilha iha oportunidade wain ne’e.
Asuntu dahuluk hare no observa ba Povu iha baze sira nia prontidaun atu prienxa tinan 25 konsulta popular ba referendum ninian, ho dedikasaun ne’ebé as tebes , presiza, ita sira hala’o servisu iha Admistrasaun sentral atu halo reflesun ba ita nia servisu lor-loron, hodi refleta bebeik para bele fó atendementu diak ba públiku. Tanba hare husi animu populasaun durante selebrasaun tinan 25 referendum , motiva ita sira hanesan servidor Estadu atu servisu didiak ho responsabilidade.
Ba asuntu daruak, ligadu ba ezekusaun orsamentu jerál Estadu iha trimestre dahuluk no daruak, ita ultrapassa ho estatistika ba prestasun ezekusun ida seidauk maximu no bele dehan menus tebes. Ohin ita hakat ba treseiru trimestre mais nafatin ho ezekusaun tuir estatistika ne’ebé seidauk bele fó resposta diak mós ba ezekusaun iha Treseiru trimestre.
Tanba ne’e ho prezensa Prezidente Komisaun Funsaun Publika, Diretór Jerál no Diretór Nasionál sira, inpestor jerál Estadu, aproveita oportunidade ne’e, atu kontinu alerta ba ita hotu nia servisu, para bele kontinua halo suprevisaun ho seriu ba ita nia dezempenhu sira,
Nune’e ba Diretór jerál no diretór ezekutivu sira atu disiplina iha ezekusaun orsamentu ne’ebé planeadu tiha ona, se orsamentu alokadu ba kategoria sira tuir orsametu ne’ebé imi elabora iha planu hamutuk ho kargu xefia sira karaik, iha nia ezekusaun mós tenke ho sira nia akompañamentu para sira iha mós koiñesimentu.
Labele nivel diretór sira presiza deit, kargu xefia sira iha eleborasun planu orsamentu, depois ba ezekusaun orsamentu, dehan ne’e, segredu Diretór jerál ho Diretor Nasional sira nian, ne’e labele. Tanba há’u rejista ona pontu sira háu kolia ba ne’e balun, no fó hanoin iha oportunidade kmanek ne’e, ata nafatin tau kuidadu , tanba loron ha’u rejista situasaun hirak ne’e ,iha administrasaun sentral Governu nian. #MediaIDN
|
|
