Díli-Institutu Defeza Nasionál (IDN) nafatin motiva ekipa sira Partisipa Copa Futsal FALINTIL–FDTL 2024, atu mantein hatudu disiplina durante aktividades Copa Futsal FALINTIL–FDTL 2024 lao iha kampu.
Mensajen ne’e transmite husi Diretór Jerál Jestaun Rekursu Institutu Defeza Nasionál Dr.Paulino Viegas, banhira hala’o abertura ba ekipa Jogador Futsal sira iha auditória IDN katak, ne’e eventu desportu, ba dahuluk IDN partisipa, nune’e asaun importante ba jogadores sira, nafatin hatudu esperitu desportivu ho optimismu, sei hetan rezultadu ne’ebé posetivu iha Copa Futsal FALINTIL–FDTL 2024, no prepara mós atu simu rezultadu lakon.
Iha Mundu desportivu sira nune’e, iha opsaun rua deit, bainhira imi esforsu maximu, ita sei manan, no banhira imi la hatudu esforsu iha kampu, ita sei lakon. Tanba ne’e, sadik ita bo’ot sira vontade tomak, hametin imi unidade para lori Kontente mai IDN iha aktividades Copa Futsal FALINTIL–FDTL 2024 final mai.
Tuir orariu husi Komisaun Organizadora iha loron 22 Jullu tuku 9 kalan, ekipa husi IDN sei joga futsal hasoru ekipa husi Sekretariu Estadu Protesaun Civil ba loron 28 Jullu Tinan ne’e, tuku 9 kalan mós ekipa IDN sei hasoru ekipa husi Ministériu Defeza (MD) , kontinua ba loron 2 Agusto tinan hanesan ekipa IDN sei joga Futsal hasoru ekipa husi Timor Telekom ((TT) tuku 9 kalan nafatin.
Fó hanoin fali Ekipa Jogu Futsal husi Institutu Defeza Nasionál IDN iha loron 18 Jullu Tinan 2024, partisipa iha abertura aktividades desportivu Copa Futsal FALINTIL–FDTL ba tinan 2024, hodi Komemora loron FALINTIL ba dala 49 , ne’ebé sei Komemora iha loron 20 Agusto tinan ne’e.
Hola parte iha abertura Copa Futsal FALINTIL–FDTL ba tinan 2024, Ekipa Jogu Futsal husi Institutu Defeza Nasionál (IDN) lidaradu husi treinador João Pedro Ribeiro , akompaña husi assistente Treinador Martinho Amaral no Official ekipa Tonilo da silva Santos no jogador sira. #MediaIDN
|
|
