Díli, 30 Juñu 2025 – Diretór Ezekutivu Institutu Defeza Nasionál (IDN), Dr. Nuno Manuel Corvelo Sarmento, partisipa iha serimónia tomada posse ba Kapitaun Portu Díli, Primeiru Tenente Vicente S. Correia, no Adjuntu Kapitaun Portu, Primeiru Tenente Manuel Guterres Soares. Serimónia ne’e realiza iha Portu Tíbar, Dili, iha loron Segunda-feira.
Funsaun prinsipal Kapitaun Portu Díli mak atu assegura ró sira hetan entrada no sai husi portu ho seguransa. Kapitaun Portu halo monitorizasaun trafiku marítimu, halo inspeksaun regular ba ró sira, no fó apoio ba resposta iha kazu emerjénsia marítima hanesan asidente ró sira.
Kapitaun Portu Dili mós responsavel ba supervisaun no implementasaun lei no regulamentu portuál, autorizasaun ba sa’e-tu’un Ró sira ho dokumentus legál. koordena besik ho Autoridade Portuária Timor-Leste (APORTIL) no forsa seguransa seluk.
Funsaun seluk inklui kontrolu trafiku marítimu, planeamentu ba movimentu ró sira, no koordenasaun ho instituisaun sira seluk hanesan PNTL Unidade Marítima, Alfândega, Imigrasaun no Autoridade Sanitária. Kapitaun Portu Díli mós lidera operasaun salvamentu iha área portuál no halo preparasaun ba prevensaun riku marítimu.
Serimónia tomada posse ne’e preside husi Sua Exelénsia Ministru Defeza, Kontra Almirante Donaciano Costa Gomes, Ph.D., ho prezensa Xefe Estadu Maior Jerál F-FDTL, Tenente Jerál Domingos Raul “Falur Rate Laek”, Komandante Komponente Naval, Komodoro Higino das Neves, Diretór Autoridade Marítima Nasionál, no konvidadu sira seluk. #MédiaIDN
|
|
