Díli, 9 Abril 2025 – Instituto Defeza Nasionál (IDN), lidera husi Adjuntu Diretór Interinu Kapitaun Fragata Duarte Borges Loe, hala’o enkontru jerál ho asesór sira, kargu xefia no funsionáriu husi diresaun sira iha IDN.
Enkontru ne’e, envolve diresaun sira hanesan, Diresaun Jerál Jestaun Rekursu, Diresaun Administrasaun e Finansas, Diresaun Aprovisionamentu no Patrimóniu, Diresaun Komunikasaun Áudio Visual no Produsaun, Diresaun Ensinu no Formasaun, Diresaun Servisu Akademia, Diresaun Investigasaun, Dezenvolvimentu no Inovasaun (DIDI).
Enkontru ne’ebé lao oras rua ne’e, Adjuntu Diretór Interinu partilha asuntu prinsipál tolu , ne’ebé konsidera prinsipal tebes ba diresaun sira hanesan. Mantein kontínuidade no koordenasaun tarefas servisu iha diresaun sira. Hamosu disiplina, ba preparasaun relatoriu individual no mensal, iha relasaun ho atividade kada diresaun. Reforsa orientasaun bazeia ba planu no programa IDN atu garante implementasaun efetivu iha kada diresaun.
Fundamentu husi enkontru ne’e ,atu fornese orientasaun klaru hodi fasilita ezekusaun servisu iha kada diresaun, bazeia ba planeamentu ne’ebé iha tiha ona husi instituisaun IDN. bele fó oportunidade atu ko’alia no harmoniza perspetiva sira kona-ba objetivu estrategiku IDN, inklui planu dezenvolvimentu, perioridade programa no koordenasaun iha nivel institusionál.
Ho nia Vantajen, reforsa koordenasaun entre diresaun sira, hodi evita duplikasaun servisu no aumenta efisiénsia. Harmonizasaun vizãu estrategiku, hodi assegura servisu husi diresaun sira iha IDN.
Plataforma atu partilha dezenvolvimentu kapasitade, no identifika area sira ne’ebé presiza suporta kapasita. Fortalese lideransa no komunikasaun interna, hodi hadia motivasaun no kolaborasaun entre funsionáriu sira. #MédiaIDN
|
|
