Dili- 5 setembru 2025, Instituto Defesa Nasional organiza palestra ba alunos Kursu Estadu Maior Konjunto Integradu ba dala 4, ne’ebe modera husi alunu Kapitaun Tenente Raimundo Soares, no orador husi Diretor ba Diresaun Autoridade Alma, Comodoro Higino das Neves “Super Man” iha auditoriu IDN Palàsiu Governu Dìli.
Objetivu sentral husi palestra ne’e, atu fó impresaun konjunta kona-ba pilár esensiál rua kona-ba ita-nia seguransa nasionál no protesaun ba espasu marítimu no koordenasaun entre situasaun emerjénsia sira.
Nune relasiona ho tema ne’ebe mensiona, orador Comodoro Higino Das Neves, esplika sub-tema sira mak hanesan espasu marítima Timor-Leste, konseitu de seguransa no defesa nasional, papel ba F-Fdtl/ Komponente Naval, Matadalan sira ne’ebé kona-ba AMN kompostu husi kontrolu navesaun, supervizaun ba peskas kooperasaun ba komponente naval, desafios no pesrpetiva sira hanesan rekursus limitadus, kapasitasaun, ausensia da seriedade polítika, perspetivas no kooperasaun internasional.
Iha Konkluzaun husi aspresentasaun Comodoro Neves katak, Komponente navál, Autoridade Nasional Maritima Timor-Leste nian, hala’o papél fundamentál ida hodi asegura nasaun nia soberania, seguransa no dezenvolvimentu sustentavel. Ninia funsaun no promosaun seguransa marítima ne’e esensiál tebes ba estabilidade no reforsu estadu nian, nune’e mós ba deklarasaun prezensa internasionál Timor-Leste nian.
Entretantu Rekomenda, atu hasa’e efikásia instituisaun hirak-ne’e nian, rekomenda atu investe iha modernizasaun ekipamentu, hametin kooperasaun internasionál, intensifika monitorizasaun marítima, envolve komunidade lokál sira, no dezenvolve polítika marítima integradu ida. Ida ne’e sei konsolida defeza marítima nasaun nian no promove estabilidade boot liu iha rejiaun ne’e.
Partisipa iha palestra ne’e mai husi. Diretor interinu Idn Dr. Nuno corvelo Sarmento. Diretor Ensino formasaun kapitaun Fragata Graduadu Nicolau Sousa Guterres, alunu kursu estadu maior konjuntu integradu no funsionariu IDN.
Atividade akademia ne’e remeta ho, diretor interinu Idn tara tais ba orador Comodoro Higinio da neves hanesan símbolu apresiasaun ba apresentaun durante palestra, ikus taka ho foto Hamutuk. #MèdiaIDN
|
|
