Kursu ida ne’e idealiza hanesan formasaun espesífika ba kapitão sira iha portu Timor-Leste no nia adjuntu sira. Maibé, natureza husi materiál sira ne’ebé parte husi plánu kurikulár, kursu ida ne’e mos bele sai importante ba ema seluk ne’ebé hala’o funsão iha Autoridade Estadu nian iha tasi.
Kursu ida ne’e iha objetivu geral sira hanesan:
– Kontribui hodi garante interese sira husi Timor-Leste iha tasi;
– Kontribui ba exerísiu Autoridade husi Timor-Leste iha tasi ne’ebé efisiente no efektivu;
– Kontribui ba kapasita Autoridade Marítima hodi fasilita nia missãun.
Kursu ida ne’e iha mos objetivu espesífiku sira hanesan:
– Kontribui hodi fornese kapitão portu foun sira iha Timor-Leste ho konesimentu, régra no pratika sira ne’ebé bele permite sira hodi halo nia funsão;
– Kontribui hodi prepara ema seluk ne’ebé konsidera tenke atua no partisipante iha kursu ida ne’e, hanesan adjuntu kapitão portu sira no líder no diretor sira iha estrutura AMN ka Komponente Naval nian ou sira nebee iha Autoridade ligada ho Tasi.
Modelu pedagojiku
Kursu ne’e sei hala’o iha formatu presensiál ho modelu aula teori-prátika. Sei ensina iha lian Portugés. Uza Tetun no Inglés sei permitida apenas iha situasaun sira ne’ebé mestres (docente sira) konsidera importante atu fó hanoin ida ne’ebé barak atu hatene di’ak liu. Docente sira sei apresenta no uza kazu prátika sira hodi ajuda partisipante sira kompriende materiál ne’ebé ensina.
Aula sei hala’o horas 6 loron ida nia laran, dividi ba dadeer no lokraik: hosi 09:00 to’o 12:00 no hosi 14:00 to’o 17:00, ho intervalu 10 minutos.
Iha loron ikus husi kada modulu teóriku sei iha avaliasaun ba cada unidade curriculares.
