Díli- Funsionáriu ho kargu xefia sira husi Institutu Defeza Nasional loron 26 fulan Novembru tinan 2024, parte lokraik kontinua hetan matéria formasaun kona ba Komunikasun iha servisu fatin, husi formador Sr. Belarmino Filomeno Neves, hanesan profesional seníor jestaun rekursu umanus seitor publiku, husi Komisaun Funsaun Públika iha auditorio IDN pateo Díli.
Fundammentu husi matéria, Komunikasau iha servisu fatin, atu transmite mensajen ka informasaun ema ida ba entidade ida ba entidade seluk, no bele dehan mós nudar esforsu ida atu hato’o mensajen husi hato’o nain ba simu nain.
Maneira hanesan mós eziste iha organizasaun tantu privadu no públiku iha ita nia servisu fatin, tanba ita nia servisu fatin sempre presiza komunikasaun ba malu, bodik aselera prosesu tomak husi ita nia aktividade servisu nian, nudar hatu’ur ona iha planu asaun operasaun iha kada instituisaun governamental sira.
Nu’udar servisu nain iha administrasun públika ne’ebe halao papel administrasaun, hala’o prestasaun servisu ba públiku ka populasaun ho ekselensia no profesional.
Tan ne’e nu’udar funsionariu ba administrasaun pública presijamente entende no iha koinesimentu ba abilidade komunikasaun iha servisu fatin. #MediaIDN.
|
|
