Díli, 21 Outubru 2025 – Ministériu Defeza (MD), hamutuk ho institusaun tuteladu sira hanesan FALINTIL–Forsa Defeza Timor-Leste (F-FDTL) no Institutu Defeza Nasionál (IDN), remata audénsia públika ho Komisaun B Parlamentu Nasionál, ne’ebé iha kompeténsia kona-ba Negósius Estranjeirus, Defeza no Seguransa.
Audénsia ne’e hala’o iha loron tersa-feira, objetivu prinsipál mak atu aprezenta Planu Programa no Proposta Orsamentu Jerál Estadu (OJE) ba tinan fiskál 2026, no fó informasaun kona-ba progresu ezekusaun OJE tinan 2025 ba membrus Parlamentu sira lidera husi prezidente komisaun B, Deputadu Domingos Augusto “Deker”.
Delegasaun sira lidera husi Sua Exelénsia Ministru Defeza Kontra-Almirante Donaciano Costa Gomes “Pedro Klamar Fuik”, akompaña husi Xefi Estadu-Maior Forsa Armas, Brigadeiru Jenerál José da Costa “Trix”, Diretór Institutu Defeza Nasionál Dr. Nuno Corvelo Sarmentu, Diretóra Jerál Jerál Jestaun Rekursu Dra. Josefa dos Reis Consalves, no Diretór DIDI, Dr. Guilherme Soares.
Iha audénsia ida ne’e, delegasaun Ministériu Defeza aprezenta dadus kona-ba impaktu ezekusaun programa sira iha tinan 2025, identifika dezafiu no aprezenta alternatíva solusaun iha prosesu implementasaun.
Objetivu seluk mak atu fó klarifikasaun no responde ba kestaun sira husi membrus Parlamentu, hodi aumenta transparénsia no responsabilidade públika, no hametin relasaun entre institusaun defeza ho órgaun lejizlativu.
Espetativa mak, audénsia ida ne’e sei kontribui atu Parlamentu komprende klaru planeamentu ne’ebé Ministériu Defeza, F-FDTL no IDN halo, no sustenta ba ezekusaun efikasia no transparente. #MédiaIDN
|
|
