Díli, 18 Agostu 2025 — Ekipa média husi Diresaun Komunikasaun no Produsaun Audiovizuál Institutu Defeza Nasionál (IDN) halo entrevista espesiál ho Sua Excelénsia Dr. Mari Alkatiri, iha nia residénsia iha Farol, Díli, iha loron Segunda-feira dader.
Entrevista referida hala’o iha ambitu preparativu ba selebrasaun loron-aniversáriu Institutu Defeza Nasionál (IDN) ba dala 15, ne’ebé sei selebra iha loron 30 fulan Agostu tinan ne’e.
Objétivu prinsipál entrevista mak atu hetan hanoin no perspetiva husi Sua Exelénsia kona-ba dezenvolvimentu IDN iha sektór Defeza , seguransa no seitor seluk durante tinan 15 liu ba. Tanba IDN iha papel importante iha fó edukasaun patriotizmu ba jerasaun foun sira.
Entrevista ida ne’e mós parte husi kontínua esforsu IDN atu valoriza istória no kontribuisaun lider sira ne’ebé iha papel fundamental iha dezenvolvimentu nasionál nian. #MédiaIDN
|
|
