Díli- Partisipantes Primeiru Kursu Kapitaun Portuaria ba loron 31 fulan Janeiru tinan 2025, hala’o ezame individual sobre matéria Literasia Dijitál ne’ebé hanorin husi Dr. Guilherme Soares, atual hanesan Diretór Interinu Instituto Defeza Nasionál.
Fundamentu husi prosesu akademia ne’e, hodi dosente bele avalia partisipantes sira, mai husi Unidade Naval FALINTIL Forsa Defeza Timor Leste (F-FDTL), Unidade Polísia Maritima Nasionál Timor Leste (UPM), Autoridade Marítima Nasional, no Autoridade Nasional Portuaria (APORTIL) nia komprensaun ba matéria Literasia Dijitál sira aprende.
Tanba durante ne’e, aulas ba matéria refere, partisipantes primeiru kursu kapitaun Portu sira partisipa iha aulas durante semana ida, nune’e liu husi prosesu teste sira nune’e, hodi melhora liu tan participantes sira nia koiñesimentu.
Enkuantu antes ne’e, dosente ne’ebé nudar mós Diretór interinu IDN ho esperensia iha área teknolojia informasaun kuaze tinan 20, hanorin partisipantes sira, sobre oinsa bele kria plataforma dijitál, Kursu Kapitaun Portu.
Fundamentu husi kriasaun plataforma dijitál ho intesaun hodi fasilita partisipantes sira bele assegura matéria sira hotu ne’ebé hanorin husi dosente sira, perante kursu Kapitaun portu lao iha Instituto Defeza Nasionál. inklui rai dokumentsu privadu sira, ho seguru. No bele asesu liu husi Telefone no Laptop ho komputador.#MediaIDN
|
|
