Díli, 20 Novembro 2025 –Alunu Kursu Estadu Maior Konjunta Integradu ba dala 4, kontinua pratika aprezentasaun individual iha kinta-feira, hodi prátika no explika traballu sira kona-ba elabora Planu Operasaun Ezersísu iha matéria Operasaun Konjunta no Kombinada. Atividade ne’e orienta husi Dosente Tenente Koronel Jorge Magalhães, depois de semana ida preparasaun teoriku.
Prátika aprezentasaun mesak ne’e, fó vantajen numerózu ba alunu sira, hodi aumenta kapasidade planeamentu operasionál. Alunu sira aprende lalais prosesu husi analize misaun to’o deseñu konseptu operasaun, atu hatene kaer sistema, métodu no doktrina F-FDTL iha nivel konjunta.
Atividade ne’e mós reforsa kooperasaun no trabalho hamutuk, tanba alunu simu oportunidade atu halibur koordinasaun internu, partilha responsabilidade no aprende lideransa kolektivu. Iha konteksu operasaun konjunta no kombinada, kooperasaun mak elementu fundamental, tanba ne’e pratika ida tulun prepara alunu ba situasaun operasionál real.
Prátika ida ne’e mós hadia abilidade komunikasaun no apresentasaun, atu ko’alia ho klaridade, konvensaun no organizasaun mensajen. Kapasidade ne’e importante atu fó briefing ba komandu ka ba partisipante ezersísu iha futuru.
Liuhusi pratika ne’e, alunu sira mós aumenta komprensaun kona-ba operasaun konjunta no kombinada, inklui integrasaun kapasidade Exérsito, Marinha no Forsa Aéro. No fó enfaze ba logistika konjunta no komandu unifikado.
Prátika ezersísu mak simula ambiente planeamentu iha nivel estrategikuoperasionál, ho tempu restritu, prioridade múltipla no risku operasional, hodi prepara alunu sira hanesan lider iha futuru.
Aplikasaun direta husi hanorin Tenente Koronel Jorge Magalhães fó orientasaun klaru kona-ba doktrina, prosedimentu no partilha esperiénsia operasional, ne’ebé sai valor adisionál ba formasaun alunu sira.
Semana preparasaun iha Institutu Defeza Nasionál (IDN) mós kontribui tanba ajuda alunu prepara diak liu ba avaliasaun, simulasaun operasaun no tarefa planeamentu. #MédiaIDN
