Díli- Institutu Defeza Nasional Timor Leste- ba loron 24 fulan Janeiru tinan 2025, finaliza ezame monografia ba partisipantes Terseiru Kursu Estadu Maior Konjunto Integradu ho naran Superintendente Assistente Martinho Borges de Deus, iha Auditório IDN Palásiu Governu Díli.
Tema ba Partisipante nia ezame monigrafia , sobre “Sistema Informasaun Direitu Penál kona-ba Grupu Arte Marsiál sira iha Timor Leste: Abordajen Psikolojia Sosiál no Komunitária,” ne’ebé hetan prezidente júri Dr. Nuno Corvelo Sarmento, Ezaminador dahuluk Superintendente Assitente Graciano Moniz Amaral, examinador daruak Dr. José Manuel Fernandes “Nakfilak” ne’ebé hetan orientador husi Superintendente Xefe Justino Menezes, akompaña husi kordenador ensinu Formasaun IDN, Superintendente Joni Viana.
Fundamentu Tópiku ne’e ho ninia objetivu, mak atu esplika peskiza kona-ba Grupu Arte Marsial (MAG) no sira-nia relasaun ho lei kriminál no psikolojia sosiál no komunidade iha Timor-Leste relevante.
Liu husi Servisu Peskiza Individual, atu partisipantes fundamenta nia tema ezame monografia, liga ba estuda Interese husi Grupu Arte Marsial GAM nian, liga ba Sistema Informasaun Lei Kriminal sira kona-ba Grupu Arte Marsial GAM Timor-Leste nian no aprosimasaun , kona-ba Psikolojia Sosial no Komunidade nian”.
Iha kazu ida-ne’e, sistema informasaun kona-ba lei kriminál sira ne’ebé relasiona ho Grupu Arte Marsial (GAM) iha Timor-Leste, sai hanesan kestaun importante ida, hodi konsidera preokupasaun ne’ebé aumenta kona-ba violénsia ne’ebé envolve grupu hirak-ne’e iha nasaun ne’e.
No Psikolojia sosiál no komunitária fornese, aprosimasaun komplementár ida, ne’ebé permite ita atu komprende dinámika sosiál no psikolójiku ne’ebé forma individuál sira-nia asaun no sira-nia relasaun ho komunidade.
Tanba Sistema informasaun iha Timor-Leste trata kestaun sira ne’ebé envolve GAM, lakuna saida mak eziste iha lei sira no oinsá aprosimasaun psikolojia sosiál no komunitária bele kontribui ba rezolusaun konflitu, reintegrasaun sosiál no prevensaun krime.
Enkunatu ba dadaun ne’e, Institutu Defeza Nasional finaliza ona ezame monografia ba partisipantes Terseiru Kursu Estadu Maior Konjunta Integradu hamutuk nain 4, no sei hela na’in 11, ne’ebé sei partisipa iha orariu tuir mai. #MediaIDN.
|
|
