Díli, 26 Novembru 2025 — Institutu Defeza Nasionál (IDN), hanesan entidade nain ba Fórum do Mar CPLP ba dala 5, hala’o reuniaun plenária iha kuarta-feira, ho partisipasaun membru husi nasaun sira iha Komunidade Paises Língua Portugés (CPLP), hodi deside kona-ba transferénsia Sekretariadu Ekzekutivu ba dala 6, ne’ebé sei organiza iha tinan 2026–2027.
Reuniaun plenária ne’e iha objetivu atu diskute no harmoniza preparativus ba realizasaun semináriu internasionál Fórum do Mar. Sesaun ne’e hetan prezidénsia husi ex-Almirante Silva Ribeiro, no akompaña husi Diretór Interinu IDN, Dr. Nuno Corvelo Sarmento, hamutuk ho Asesor Juridiku Ministériu Defeza, Dr. António Alves.
Diskusaun iha plenária fó enfáze ba konsolidasaun desizaun kona-ba membru foun, análize kona-ba ajustamentu orgániku Fórum do Mar, diskusaun no aprovasaun final ba Termos de Referénsia, troka informasaun kona-ba assuntos internus seluk.
Momentu importante ida mak serimónia transferência Sekretariadu Ekzekutivu ba membru institusional ne’ebé sei kontinua lidera Fórum do Mar CPLP, hanesan jestu simbóliku atu garante kontinuidade atividade no projetu Fórum nian.
Plenária deside ho konsensu katak semináriu Fórum do Mar CPLP ba dala 6, sei hala’o iha tinan 2026, iha Academia de Ciências Sociais e Tecnologias (ACITE), Angola. Desizaun ida ne’e reflete konfiansa CPLP ba kapasidade teknika no akademika institusaun anfitriã nian.
Fórum do Mar CPLP mak plataforma importante ne’ebé reúne instituisaun husi estadu-membru CPLP hotu, husi área akademika to’o autoridade marítima, hanesan ACITE – Angola, Marinha do Brasil. Instituto Marítimo e Portuário – Cabo Verde. Universidade de Cabo Verde, Guarda Costeira de Cabo Verde. ISCSP/Universidade de Lisboa – Portugal, Marinha Portuguesa, Guarda Costeira São Tomé e Príncipe, Instituto de Defesa Nacional – Timor-Leste.
Rede institusional ne’e hatudu diversidáde, esperiénsia no kapasidade teknika membru CPLP sira iha governansa tasi, seguransa marítima no dezenvolvimentu ekonomia azul.
Reuniaun plenária ne’e envolve 21 delegadu husi instituisaun CPLP sira, inklui jurista, militar, akademiku no tékniku marítimu. Hanesan
• Dr. Osvaldo Edson Benzane, Portos e Caminhos de Ferro de Moçambique
• Dr. Manuel Sithole, Instituto Nacional de Petróleos – Moçambique
• Comodoro Valente Tinoco, Marinha de Portugal
• Dr. Milton Zibane, INP Moçambique
• Capitão de Fragata TSN Alexandra Lima, Marinha Portugal
• Prof. Dra. Carla Guapo Costa, ISCSP/Universidade Lisboa
• Profa. Dra. Maria das Neves, ex-Primeira Ministra São Tomé e Príncipe
• Prof. Dr. Aldino Manuel Campos, Comissão do Platô Continental
• Dr. Bartolomeu Fontes, ACITE Angola
• Prof. Dr. Betuel Mvumbi, ACITE Angola
• Dr. Helder Estevão Cafala, IDN Angola
• Delegadu husi Brasil, inklui Escola de Guerra Naval no Ministériu Defesa
• Delegadu husi IDN no Ministériu Defeza Timor-Leste
Hafoin remata plenária, delegasaun CPLP sira, ho akompanhamentu IDN, hala’o vizita interkambiu kultural ba Muzeu Rezisténsia, Merkadu Tais Colmera no Cristo Rei. #MédiaIDN
