Díli- Funsionáriu ho Kargu Xefia sira husi Instituto Defeza Nasionál (IDN) ho partisipantes 3Cursu Estadu Maior Conjunta Integradu (CEMCI ) ba semana dahuluk iha loron 4, fulan Novembru , Tinan 2024, partisipa iha serimónia Içar Bandeira Nasionál ne’ebe realiza iha resintu Palásiu Governu Díli.
Serimónia içar Bandeira Nasionál ba semana dahuluk, iha fulan ba dala sanulu resin ida ne’e, hetan inspetor Serimónia husi Sekretáriu Estadu Komunikasaun Sosiál Sua Exelénsia Expedito Dias Ximenes hodi tranzmite mensajen importante tolu maka, Governu sei Komemora iha período fulan Novembru nia laran.
Hodi hahu iha loron 3 Fulan Novembru tinan 2024, Governu Komemora ona serimonia loron Nasional ba Feto, ne’ebé realiza ona Postu Administrativu Kelikai, Munisipiu Baucau. kontinu ba loron 12 Novembru, Governu sei komemora loron Joventude Nasional, ba dala tolu iha loron 28 Novembru, Governu sei komemora loron proklamasaun independensia iha tinan 1975 nian.
Loron historiku tolu mensiona, importante tebes atu refleta iha ita ida –idak nia an , li-liu hanesan funsionariu públiku servidor ba Estadu , atu bele hala’o nia knar ho responsabilidade hodi banati tuir hahalok ita nia herói sira nia prinsipiu iha tempu pasadu ne’ebé defisil hodi liberta rai ne’e sai Nasaun soberania.
Funcionário públiku tuir nia, hanesan forsa ne’ebé tulun ita nia Estadu no Governu , iha kontestu kontrusaun Estadu ho Nasaun ne’eb’e oras ne’e lao dadaun, hodi kontribui fó fatin ba dezenvolvimentu no hafasil hakbesik servisu administrasaun ba públiku. #MediaIDN
|
|
