Díli- Partisipantes Kursu Estadu-Maior Conjunto Integradu ba dala 3 iha loron 20 fulan Novembru tinan 2024, mai husi Superintendente Assistente Polísia nain 4, kontinua ho aulas espesífika ho matéria Siénsia Kriminál, ne’ebe hanorin husi dosente Superintendente xefi Prof. Arquimino Ramos iha auditorio IDN Palasiu Governu Díli.
Tuir orário husi Diresaun Ensinu e Formasaun Institutu defeza Nasional (IDN), partisipantes Kursu Estadu Maior konjunto Integradu ba dala 3, durante semana ida hahu loron 20 to’o loron 27, fulan ne’e sei kontinua ho materia espesífika ne’ebé aulas haketak entre participantes husi PNTL ho F-FDTL.
Nune’e Matéria Siensia Kriminál nia Objetivu Permanente sira ne’ebé define ona iha Lei Seguransa Nasional no iha ámbitu Politika Seguransa Internu nian, sein prejuizu ba atribuisaun legál sira ne’ebé rezulta husi lejislasaun sira seluk.
Ho objetivu fundamentál sira PNTL nian mak, Promove kondisaun seguransa ne’ebé garante funsionamentu normál instituisaun demokrátiku sira-nian no ezersísiu direitu no garantia sidadaun sira-nian. Prevensaun ba krime no prátika aktu sira seluk ne’ebé kontra lei no regulamentu sira.
No mós Kombate krime organizadu no terrorizmu, iha koordenasaun ho forsa no servisu seguransa no defeza sira seluk, hanesan F-FDTL no Servisu Nasional Intelligence (SNI). Halo knaar sira ne’ebé lei fó ba nia, kona-ba prosesu kriminál no liu-liu halibur notísia kona-ba krime ne’e, prevene ninia konsekuénsia no deskobre ninia ajente sira, ne’ebé iha supervizaun husi autoridade judisiáriu kompetente, tuir lei prosedimentu kriminál.
Nune’e mós Koleta, prosesa no fahe informasaun kona-ba interese ba prevensaun no represaun ba krime, ativamente koopera ho Servisu Inteligensia(SNI) no Militar F-FDTL nian. #MediaIDN
|
|
